കുളത്തൂപ്പുഴ: പട്ടികവർഗ വികസന വകുപ്പിന്റെ കീഴിൽ പ്രവർ ത്തിക്കുന്ന ചോഴിയക്കോട് അരിപ്പ മോഡേൺ റെസിഡൻഷ്യൽ ഹയർസെക്കൻഡറി സ്കൂളിൽ വിദ്യാർഥികൾക്കായി വ്യക്തിത്വവികസന ക്ലാസ് സംഘടിപ്പിച്ചു. സ്കൂൾ അസംബ്ലി ഹാളിൽ നടന്ന ചടങ്ങിൽ മോട്ടിവേഷൻ സ്പീക്കർ മനുകുമാർ അലിയാട്ട് കുട്ടികളുമായി സംവദിച്ചു.
വിദ്യാർഥികൾ കൗമാര കാലഘട്ടത്തിൽ നേരിടുന്നവ്യക്തിത്വപ്രശ്നങ്ങൾ, വ്യക്തിത്വ വൈകല്യങ്ങൾ, നല്ലൊരു വ്യക്തിത്വത്തിന് ഉടമയാകാൻ സ്വീകരിക്കേണ്ട മാർഗനിർദേശങ്ങൾ എന്നിവയെകുറിച്ച് മുഖ്യാതിഥി കുട്ടികളോട് ചർച്ച ചെയ്തു. ചടങ്ങിന് സ്കൂൾ മാനേജർ ഷാഹിർ, സ്കൂൾ കൗൺസിലർ ബിനോ, അധ്യാപകർ തുടങ്ങിയവർ നേതൃത്വം നൽകി.