പാ​ഠം ഒ​ന്ന് അ​തി​ജീ​വ​നം: മേ​പ്പാ​ടി സ്കൂ​ൾ തു​റ​ന്നു
Wednesday, August 28, 2024 5:46 AM IST
ക​ൽ​പ്പ​റ്റ: ഉ​രു​ൾ​പൊ​ട്ട​ൽ ദു​ര​ന്ത​ത്തി​ൽ അ​ണ​പൊ​ട്ടി ഒ​ഴു​കി​യ സ​ങ്ക​ട​ങ്ങ​ൾ നി​റ​ഞ്ഞ ക്ലാ​സ്മു​റി​ക​ളി​ൽ അ​തി​ജീ​വ​ന​ത്തി​ന്‍റെ പു​തി​യ പാ​ഠ​ങ്ങ​ൾ തു​റ​ന്നു.

ദു​രി​ത​ബാ​ധി​ത​ർ​ക്കും ഉ​റ്റ​വ​ർ​ക്കു​മാ​യി ആ​ഴ്ച​ക​ളാ​യി തു​റ​ന്നി​ട്ട മേ​പ്പാ​ടി ഗ​വ.​ഹ​യ​ർ​സെ​ക്ക​ൻ​ഡ​റി സ്കൂ​ളി​ലാ​ണ് ദു​ര​ന്ത​ക​ട​ലു​ക​ൾ താ​ണ്ടി ഇ​ന്ന​ലെ അ​ധ്യ​യ​നം തു​ട​ങ്ങി​യ​ത്. മേ​പ്പാ​ടി ജി​എ​ൽ​പി, യു​പി സ്കൂ​ൾ, ഹൈ​സ്കൂ​ൾ, ഹ​യ​ർ​സെ​ക്ക​ൻ​ഡ​റി ക്ലാ​സ്മു​റി​ക​ളാ​ണ് മു​ണ്ട​ക്കൈ, ചൂ​ര​ൽ​മ​ല ഉ​രു​ൾ​പൊ​ട്ട​ൽ ദു​ര​ന്ത​ത്തി​ന്‍റെ പ്ര​ധാ​ന ദു​രി​താ​ശ്വാ​സ ക്യാ​ന്പു​ക​ളാ​യ​ത്.

ദു​ര​ന്ത മേ​ഖ​ല​യി​ൽ നി​ന്നു നി​ര​വ​ധി കു​ടും​ബ​ങ്ങ​ളാ​ണ് ഈ ​ക്യാ​ന്പി​ൽ ക​ഴി​ഞ്ഞ​ത്. ഉ​റ്റ​വ​രെ​യും അ​യ​ൽ​വാ​സി​ക​ളെ​യു​മെ​ല്ലാം ദു​ര​ന്ത​ത്തി​ൽ ന​ഷ്ട​മാ​യ​വ​ർ​ക്കു​ള്ള ത​ണ​ലാ​യി മാ​റു​ക​യാ​യി​രു​ന്നു ഈ ​പാ​ഠ​ശാ​ല​യും. അ​ധ്യാ​പ​ക​രും വി​ദ്യാ​ർ​ഥി​ക​ളു​മെ​ല്ലാം ദു​രി​ത​നാ​ടി​ന്‍റെ നൊ​ന്പ​ര​ങ്ങ​ളു​മാ​യി വ​ന്ന​വ​ർ​ക്കെ​ല്ലാം സാ​ന്ത്വ​ന​ത്തി​ന്‍റെ ആ​ശ്വാ​സ​ങ്ങ​ൾ ന​ൽ​കി.


മേ​പ്പാ​ടി ഹ​യ​ർ​സെ​ക്ക​ൻ​ഡ​റി സ്കൂ​ൾ ക്ലാ​സ് മു​റി​ക​ൾ വീ​ണ്ടും തു​റ​ന്ന​പ്പോ​ൾ 637 കു​ട്ടി​ക​ളി​ൽ കൂ​ടെ​യു​ണ്ടാ​യി​രു​ന്ന മൂ​ന്ന് കു​ട്ടി​ക​ൾ അ​വ​രോ​ടൊ​പ്പ​മി​ല്ല. പ്ല​സ് വ​ണ്‍ വി​ഭാ​ഗ​ത്തി​ലെ ര​ണ്ടു​കൂ​ട്ടൂ​കാ​രും പ്ല​സ് ടു ​വി​ഭാ​ഗ​ത്തി​ൽ നി​ന്നു​ള്ള ഒ​രു കൂ​ട്ടു​കാ​രി​യു​മാ​ണ് നാ​ടി​നെ ന​ടു​ക്കി​യ ഉ​രു​ൾ​പൊ​ട്ട​ൽ ദു​ര​ന്ത​ത്തി​ന്‍റെ നൊ​ന്പ​ര​ങ്ങ​ളാ​യി മാ​റി​യ​ത്. അ​വ​ർ​ക്കൊ​പ്പം ദു​ര​ന്ത​ത്തി​ൽ മാ​ഞ്ഞു​പോ​യ എ​ല്ലാ​വ​ർ​ക്കു​മാ​യി സ്കൂ​ൾ അ​സം​ബ്ലി​യി​ൽ അ​നു​ശോ​ച​നം രേ​ഖ​പ്പെ​ടു​ത്തി.

പോ​ലീ​സ് വി​ഭാ​ഗ​ത്തി​ന്‍റെ പ്ര​ത്യേ​ക കൗ​ണ്‍​സ​ലിം​ഗും വി​ദ്യാ​ല​യ​ത്തി​ൽ ന​ട​ന്നു. ഉ​ച്ച​തി​രി​ഞ്ഞ് വി​ദ്യാ​ഭ്യാ​സ അ​ധി​കൃ​ത​രും അ​ധ്യാ​പ​ക​രും യോ​ഗം ചേ​ർ​ന്ന് സ്കൂ​ൾ പ്ര​വ​ർ​ത്ത​ന​ങ്ങ​ൾ അ​വ​ലോ​ക​നം ചെ​യ്തു. മു​ണ്ട​ക്കൈ, വെ​ള്ളാ​ർ​മ​ല ക്ലാ​സ് മു​റി​ക​ൾ മേ​പ്പാ​ടി​യി​ൽ തു​ട​ങ്ങു​ന്ന​തി​ന് മു​ന്നോ​ടി​യാ​യു​ള്ള ഒ​രു​ക്ക​ങ്ങ​ളും വി​ല​യി​രു​ത്തി.