തൃക്കരിപ്പൂർ: സംസ്ഥാന എയ്ഡ്സ് കൺട്രോൾ സൊസൈറ്റി ഐഇസിയുടെ നേതൃത്വത്തിൽ തിരുവനന്തപുരത്ത് നിന്ന് ആരംഭിച്ച എച്ച്ഐവി എയ്ഡ്സ് ബോധവത്കരണ പ്രചാരണ യാത്ര തൃക്കരിപ്പൂരിൽ സമാപിച്ചു.
പാൻടെക്ക് മൈഗ്രന്‍റ് സുരക്ഷ പ്രോജക്റ്റിന്‍റെയും പൊറോപ്പാട് മസ്ജിദ് മാനേജിംഗ് കമ്മിറ്റിയുടെയും സഹകരണത്തോടെ ഓഡിറ്റോറിയത്തിൽ നടന്ന സംസ്ഥാന പ്രചാരണ യാത്രയുടെ സമാപന ചടങ്ങ് പഞ്ചായത്ത് പ്രസിഡന്‍റ് വി.കെ. ബാവ ഉദ്ഘാടനം ചെയ്തു. ജൂണിയർ ഹെൽത്ത് ഇൻസ്പെക്ടർ കെ. ശിവകുമാർ അധ്യക്ഷത വഹിച്ചു. ചന്തേര എസ്ഐ കെ.പി. സതീഷ് മുഖ്യപ്രഭാഷണം നടത്തി. പാൻടെക് മൈഗ്രന്‍റ് സുരക്ഷ മാനേജർ അരുൺ തോമസ്, കെ.പി. അബ്ദുൾ ഖാദർ വൾവക്കാട്, എൻ. സെൽവരാജ്, എം. തമ്പാൻ, എം.പി. മുഹമ്മദ്, കെ.സി. അഹമ്മദ്, വി.പി. കബീർ, പി. രമേശൻ എന്നിവർ പ്രസംഗിച്ചു.