പട്ടാഴി: യുവജനതാദൾ ജില്ലാ കമ്മിറ്റിയുടെ നേതൃത്വത്തിൽ പാറ മാഫിയായ്ക്കെതിരേ പോരാട്ടം നടത്തുന്ന സേവ് പട്ടാഴിയുടെ പോരാളികൾക്ക് ഐക്യദാർഢ്യം പ്രകടിപ്പിക്കുകയും ആദരിക്കുകയും ചെയ്തു.
മൈലാടുംപാറ കാട്ടാമലപ്പാറയിൽ സംഘടിപ്പിച്ച സമ്മേളനത്തിൽ സേവ് പട്ടാഴി ഫോറത്തിന്‍റെ നേതാക്കളായ എ.എ. മജീദ്, റജിമോൻ ജേക്കബ്, മീനം രാജേഷ് എന്നിവരെയാണ് യുവജനതാദളിന്‍റെ നേതൃത്വത്തിൽ ആദരിച്ചത്. ജില്ലാ സെക്രട്ടറി ആരോമൽ അധ്യക്ഷത വഹിച്ചു. ജില്ലാ പ്രസിഡന്‍റ് സന്തോഷ്. ജി. നായർ ഉദ്ഘാടനം ചെയ്തു. അരവിന്ദൻ ഇളമാട്, ധർമരാജൻ, ബാബു, അനിൽ പന്തപ്ലാവ്, ജോർജുകുട്ടി എന്നിവർ പ്രസംഗിച്ചു.