മയ്യനാട്: സാമൂഹ്യനീതി ഓഫീസും സംസ്ഥാന ഓർഫനേജ് കൺട്രോൾ ബോർഡും സംയുക്തമായി മയ്യനാട് എസ്എസ് സമിതി അഭയകേന്ദ്രത്തിൽ മദർതെരേസ ദിനം ആചരിച്ചു.
എസ്എസ് സമിതി അഭയകേന്ദ്രം മാനേജിംഗ് ട്രസ്റ്റി ഫ്രാൻസിസ് സേവ്യർ അധ്യക്ഷത വഹിച്ചു. മയ്യനാട് പഞ്ചായത്ത് പ്രസിഡന്‍റ് ഷാഹിദ. ദിനാചരണം ഉദ്ഘാടനം നിർവഹിച്ചു. മൈനാഗപ്പള്ളി കാർമൽ സ്നേഹനിലയം ഓൾഡ് ഏജ് ഹോം മാനേജർ ഫാ. മനോജ്.എം. കോശി വൈദ്യൻ, ജില്ലാ സാമൂഹ്യനീതി ഓഫീസർ എ.കെ. ഹരികുമാർ നായർ, ജില്ലാ പഞ്ചായത്ത് മെമ്പർ എസ്. സെൽവി, സാജു നല്ലേപറമ്പിൽ എന്നിവർ ചടങ്ങിൽ പ്രസംഗിച്ചു. എസ്എസ് സമിതിയിലെ താമസക്കാർ വിവിധ കലാപരിപാടികൾ അവതരിപ്പിച്ചു. സ്നേഹവിരുന്നോടെ സമാപിച്ചു.