കൊല്ലം: ചിന്നക്കടയിൽ നടത്തുന്ന സ്നേഹത്തിന്റെ ചായക്കടയുടെ എട്ടാം ദിവസത്തെ ഉദ്ഘാടനം ഡിവൈഎഫ്ഐ സംസ്ഥാന ട്രഷറർ എസ്.ആർ. അരുൺ ബാബു ചായ ഒഴിച്ച് നൽകി നിർവഹിച്ചു.
പ്രകൃതി ദുരന്തത്തിൽ ദുരിതം അനുഭവിക്കുന്ന വയനാട്ടുകാർക്ക് ധന സഹായം സ്വരൂപിക്കാനാണ് സിഐടിയു ജില്ലാ ജനറൽ വർക്കേഴ്സ് യൂണിയന്റെ നേതൃത്വത്തിൽ കട നടത്തുന്നത്.
കർഷക സംഘം ഏരിയാ സെക്രട്ടറി പാരിപ്പള്ളി വിജയന്, പ്രസിഡന്റ് സുരേഷ് ബാബു, അഡ്വ.സോജാ തുളസീധരൻ, അഡ്വ.വിജയകുമാർ, കൊച്ചുണ്ണി, ടി. പുഷ്പരാജൻ, പ്രമീള സുരേഷ്, ശ്രീലക്ഷ്മി, മണികണ്ഠൻ, സുദേവ്, പി.കെ. സുധീർ തുടങ്ങിയവർ പങ്കെടുത്തു. വിമൽദേവ് അധ്യക്ഷനായി.ഒമ്പതാം ദിവസമായ ഇന്നു രാവിലെ 10 ന് കെഎസ്എഫ്ഇ ചെയർമാൻ കെ. വരദരാജൻ ഉദ്ഘാടനം ചെയ്യും. സ്നേഹപ്പെട്ടിയിൽ നിക്ഷേപിച്ച തുക പത്താം ദിവസം മന്ത്രി കെ.എൻ. ബാലഗോപാലിനെ ഏല്പിക്കും.