അഞ്ചല് : സ്ത്രീകള്ക്കെതിരേയുള്ള അതിക്രമങ്ങള്ക്കും സ്ത്രീധനത്തിനുമെതിരേ ഏരൂരില് കുടുംബശ്രീ സിഡിഎസ് ജെൻഡർ റിസോഴ്സ് സെന്റർ വിജിലന്റ് ഗ്രൂപ്പിന്റെ നേതൃത്വത്തിൽ പ്രത്യേക കാന്പയിൻ സംഘടിപ്പിച്ചു.
ഏരൂർ പഞ്ചായത്ത് കോൺഫറൻസ് ഹാളിൽ പ്രസിഡന്റ് ജി. അജിത് ഉദ്ഘാടനം ചെയ്തു. വൈസ് പ്രസിഡന്റ് വി. രാജി അധ്യക്ഷത വഹിച്ചു. സ്ഥിരം സമിതി അധ്യക്ഷന്മാരായ ഡോൺവിരാജ്, ഷൈൻ ബാബു, ദിവ്യ ജയചന്ദ്രൻ, ഗ്രാമപഞ്ചായത്ത് അംഗങ്ങളായ മഞ്ജുലേഖ, അനുരാജ്, ചിന്നു വിനോദ്, സിഡിഎസ് ചെയർപേഴ്സൺ സജിന എന്നിവര് പങ്കെടുത്തു. സിഡിഎസ്, എഡിഎസ്, കുടുംബശ്രീ അംഗങ്ങൾ എന്നിവർക്കായി സംഘടിപ്പിച്ച പരിപാടി സ്ത്രീധന വിരുദ്ധ പ്രതിജ്ഞയോടെയാണ് സമാപിച്ചത്. പരിപാടിയുടെ ഭാഗമായി കൗണ്സിലിംഗ് സൈക്കോളജിസ്റ്റ് സ്മിത ക്ലാസെടുത്തു.