ശ്രീധരന്‍പിള്ളയ്ക്ക് ചാവറ പുരസ്‌കാരം
Tuesday, January 28, 2025 6:46 AM IST
രാജ്ഭവന്‍ (ഗോവ): കോട്ടയം ദര്‍ശന സാംസ്‌കാരിക കേന്ദ്രം വിശുദ്ധ ചാവറയച്ചന്‍റെ പേരില്‍ ഏര്‍പ്പെടുത്തിയ പുരസ്‌കാരം ഗോവ ഗവര്‍ണര്‍ പി.എസ്. ശ്രീധരന്‍പിള്ളയ്ക്ക്.
എഴുത്തിന്‍റെ സുവര്‍ണ ജയന്തി ആഘോഷിക്കുന്ന ശ്രീധരന്‍പിള്ളയുടെ സാഹിത്യ സംഭാവനകള്‍ പരിഗണിച്ചാണ് പുരസ്‌കാരം. ഫെബ്രുവരി മൂന്നാം വാരത്തില്‍ കോട്ടയത്തു നടക്കുന്ന ചടങ്ങില്‍ പുരസ്‌കാരം സമ്മാനിക്കും.
കേന്ദ്രസര്‍ക്കാറിന്‍റെ സരസ് മേളയോടനുബന്ധിച്ചുള്ള പ്രഥമ ചെങ്ങന്നൂര്‍ പെരുമ സാഹിത്യപുരസ്‌കാരം, ചെട്ടികുളങ്ങര അമ്മ പുരസ്‌കാരം എന്നീ ബഹുമതികളും അദ്ദേഹത്തിനു ലഭിച്ചു. ചെട്ടികുളങ്ങര അമ്മ പുരസ്‌കാരം ഈ മാസം 29ന് വൈകിട്ട് അഞ്ചരയ്ക്ക് ക്ഷേത്രസന്നിധിയില്‍ നടക്കുന്ന ചടങ്ങില്‍ മുന്‍ ചീഫ് സെക്രട്ടറിയും കവിയുമായ കെ. ജയകുമാര്‍ സമ്മാനിക്കും.
ചെങ്ങന്നൂര്‍ പെരുമ പുരസ്‌കാരം അന്ന് വൈകിട്ട് ഏഴിന് ചെങ്ങന്നൂര്‍ മുനിസിപ്പല്‍ മൈതാനത്ത് നടക്കുന്ന ആദരസഭയില്‍ മന്ത്രി സജി ചെറിയാന്‍ സമ്മാനിക്കും.
മന്ത്രി വീണാ ജോര്‍ജ്‌ സംബന്ധിക്കും.