നികിത നയ്യാര്‍ അന്തരിച്ചു
Tuesday, January 28, 2025 6:46 AM IST
കൊച്ചി: ‘മേരിക്കുണ്ടൊരു കുഞ്ഞാട്’ എന്ന ചിത്രത്തില്‍ ബാലതാരമായി അഭിനയിച്ച കൊല്ലം കരുനാഗപ്പള്ളി സ്വദേശിനി നികിത നയ്യാര്‍ (21) അന്തരിച്ചു.
എറണാകുളം സെന്‍റ് തെരേസാസ് കോളജിലെ ബിഎസ്‌സി സൈക്കോളജി വിദ്യാര്‍ഥിനിയായിരുന്ന നികിത കോളജ് മുന്‍ ചെയര്‍പഴ്‌സന്‍ കൂടിയാണ്. ‘വില്‍സണ്‍സ് ഡിസീസ്’ എന്ന അപൂര്‍വ രോഗബാധയ്ക്ക് ചികിത്സയിലിരിക്കെയാണ് അന്ത്യം.
രണ്ടു തവണ കരള്‍ മാറ്റിവയ്ക്കല്‍ ശസ്ത്രക്രിയയ്ക്കു വിധേയയായി. രണ്ടാമത്തെ ശസ്ത്രക്രിയ ഒരാഴ്ച മുന്പായിരുന്നു. സംസ്‌കാരം നടത്തി.
പിതാവ്: ഡോണി തോമസ് (യുഎസ്എ). അമ്മ: നമിതാ മാധവന്‍കുട്ടി (കപ്പാ ടിവി).