വാക്കിലും ചിന്തയിലും ഔന്നത്യം: മാര്‍ ജോസഫ് കല്ലറങ്ങാട്ട്
Thursday, October 31, 2024 12:54 AM IST
പാലാ: കാഞ്ഞിരപ്പള്ളി, പാലാ , തക്കല രൂപതകള്‍ ഉള്‍പ്പെടുന്ന ചങ്ങനാശേരി അതിരൂപത സഭാഗാത്രത്തില്‍ താക്കോല്‍സ്ഥാനത്തുള്ള അതിരൂപതയാണ്.
സഭാ പാരമ്പര്യത്തിലും സമൂഹികവിഷയത്തിലും ആധികാരിക സ്വരമായി നിലകൊള്ളാന്‍ ചങ്ങനാശേരി അതിരൂപതയ്ക്ക് എക്കാലവും കഴിഞ്ഞിട്ടുണ്ട്. ചങ്ങനാശേരിക്കാരനെന്ന നിലയില്‍ എല്ലാ ആത്മീയ മൂല്യങ്ങളും ചേര്‍ത്തുപിടിക്കുന്ന വലിയ വ്യക്തിത്വത്തിന് ഉടമയാണ് മാര്‍ തോമസ് തറയില്‍.
സീറോമലബാര്‍ സഭാചരിത്രം ആരാധനക്രമം എന്നിവയില്‍ വ്യക്തമായ കാഴ്ചപ്പാട് നല്‍കിയ ഇടയനായിരുന്നു മാര്‍ ജോസഫ് പെരുന്തോട്ടം. അജപാലന ശുശ്രൂഷയ്ക്ക് ഏല്‍പ്പിക്കപ്പെട്ട ദൈവജനത്തെ നയിക്കുന്നതില്‍ പൂര്‍ണമായി വിജയിച്ചു. മെത്രാപ്പോലീത്താ ശുശ്രൂഷയില്‍നിന്ന് വിരമിക്കുന്ന മാര്‍ പെരുന്തോട്ടം പിതാവിന് ആശംസകളും ദൈവാനുഗ്രഹങ്ങളും നേരുന്നു.