പ്രവർത്തിച്ച ഹോട്ടലുകളിൽ പലതിലും ഉച്ചയൂണ് ലഭ്യമായിരുന്നില്ല. ടൗണുകളിൽ ആളുകളുടെ സാന്നിധ്യം ഗണ്യമായി കുറയുമെന്നത് മുൻകൂട്ടി കണ്ടാണ് ഹോട്ടലുകളിൽ ഭക്ഷണമൊരുക്കിയത്. മാനന്തവാടി, ബത്തേരി ഭാഗങ്ങളിൽനിന്നുള്ള ബസുകൾ കൽപ്പറ്റ നഗരത്തിൽ പ്രവേശിക്കാതെ ബൈപാസ് വഴിയാണ് ഓടിയത്.
വടുവൻചാലിൽനിന്നു മേപ്പാടി വഴി കൽപ്പറ്റയ്ക്കും നേരിട്ടു വാഹന ഗതാഗതം രാവിലെ മുതൽ പ്രധാനമന്ത്രി മടങ്ങുന്നതുവരെ ഉണ്ടായിരുന്നില്ല. കൽപ്പറ്റ, മേപ്പാടി ടൗണുകളിലും വഴിയോരങ്ങളിലുമായി നൂറുകണക്കിനു പോലീസുകാരെയാണ് സുരക്ഷാ ക്രമീകരണങ്ങളുടെ ഭാഗമായി വിന്യസിച്ചത്.