നുൺഷ്യോ ഉദ്ഘാടനം ചെയ്യും മേജർ ആർച്ച്ബിഷപ് മാർ റാഫേൽ തട്ടിലിന്റെ അധ്യക്ഷതയിൽ നടക്കുന്ന അസംബ്ലിയുടെ ഉദ്ഘാടനം ഇന്ത്യയുടെ അപ്പസ്തോലിക് നുൺഷ്യോ ആർച്ച്ബിഷപ് ഡോ. ലെയോപോൾദോ ജിറേല്ലി നിർവഹിക്കും.
മലങ്കര ഓർത്തഡോക്സ് സഭാധ്യക്ഷൻ ബസേലിയോസ് മാർത്തോമ്മ മാത്യൂസ് തൃതീയൻ ബാവ, കേരള ലത്തീൻ ബിഷപ്സ് കൗൺസിൽ പ്രസിഡന്റ് ബിഷപ് ഡോ. വർഗീസ് ചക്കാലയ്ക്കല്, മലങ്കര മെട്രോപൊളിറ്റൻ ആർച്ച്ബിഷപ് ജോസഫ് മാർ ഗ്രിഗോറിയോസ്, സിബിസിഐ പ്രസിഡന്റ് ആർച്ച്ബിഷപ് മാർ ആൻഡ്രൂസ് താഴത്ത്, കേന്ദ്രമന്ത്രി ജോർജ് കുര്യൻ, മന്ത്രി റോഷി അഗസ്റ്റിൻ എന്നിവർ അസംബ്ലിയുടെ വിവിധ ഘട്ടങ്ങളിൽ പ്രതിനിധികളെ അഭിസംബോധന ചെയ്യും.
സീറോമലങ്കര സഭാ മേജർ ആർച്ച്ബിഷപ് കർദിനാൾ മാർ ബസേലിയോസ് ക്ലീമിസ് കാതോലിക്കാബാവ സമാപന സമ്മേളനത്തിൽ മുഖ്യാതിഥിയാകുമെന്ന് കാക്കനാട് മൗണ്ട് സെന്റ് തോമസിൽ നടത്തിയ പത്രസമ്മേളനത്തിൽ സഭയുടെ മാധ്യമ കമ്മീഷൻ ചെയർമാൻ ആർച്ച്ബിഷപ് മാർ ജോസഫ് പാംപ്ലാനി, അസംബ്ലി കമ്മിറ്റി കൺവീനർ ബിഷപ് മാർ പോളി കണ്ണൂക്കാടൻ, സെക്രട്ടറി റവ.ഡോ. ജോജി കല്ലിങ്ങൽ, പിആർഒ റവ.ഡോ. ആന്റണി വടക്കേക്കര, സഭാ വക്താക്കളായ ഡോ. കൊച്ചുറാണി ജോസഫ്, അഡ്വ. അജി ജോസഫ് എന്നിവർ അറിയിച്ചു.