1949ൽ ദൈവദാസൻ ആർച്ച് ബിഷപ് മാർ ഈവാനിയോസിന്റെ മാർഗനിർദേശപ്രകാരം സ്ഥാപിതമായ മാർ ഈവാനിയോസ് കോളജ് ഉന്നത വിദ്യാഭ്യാസ രംഗത്ത് തലസ്ഥാനത്തിന്റെ തിലകക്കുറിയാണ്. ആയിരക്കണക്കിനു വിദ്യാർഥികൾക്ക് അറിവിന്റെ മാർഗദീപം പകർന്നു നല്കിയ കലാലയത്തിൽ ആറു വിഷയങ്ങളിൽ ഗവേഷണങ്ങൾ ഉൾപ്പെടെ നടത്തുന്നു.
ബിരുദ വിഭാഗത്തിൽ എയ്ഡഡ് കോഴ്സുകളായി 11 എണ്ണവും സെൽഫ് ഫിനാൻസിംഗ് കോഴ്സുകളായി ഏഴെണ്ണവുമുണ്ട്. ബിരുദാനന്തര ബിരുദത്തിൽ ഒന്പത് വിഭാഗങ്ങളാണ് ഈ കലാലയത്തിലുള്ളത്. 2014ൽ ഓട്ടോണമസ് പദവി ലഭിച്ച് മാർ ഈവാനിയോസ് കോളജ് പാഠ്യ-പാഠ്യേതര രംഗങ്ങളിൽ ഒരേപോലെ മികവ് തെളിയിക്കുന്നു.
മലങ്കര സുറിയാനി കത്തോലിക്ക സഭയുടെ നിയന്ത്രണത്തിലുള്ള കോളജിന്റെ രക്ഷാധികാരിയും മാനേജരും മലങ്കര കത്തോലിക്കാ സഭാ മേജർ ആർച്ച്ബിഷപ് കർദിനാൾ മാർ ബസേലിയോസ് ക്ലീമിസ് കാതോലിക്കാ ബാവയാണ്. ഡോ. മീര ജോർജാണ് കോളജ് പ്രിൻസിപ്പൽ. ബർസാർ ഫാ. തോമസ് കയ്യാലക്കൽ.