സിംലയിൽ ട്രെയിനിംഗ് കമാൻഡിൽ സേവനമനുഷ്ഠിച്ചുവരുന്നതിനിടെയാണ് ആർമി സബ് ഏരിയ ജനറൽ ഓഫീസർ കമാൻഡിം ഗായി ചുമതലയേറ്റത്. മുത്തച്ഛനും മുൻ സൈനികനും രണ്ടാം ലോകമഹായുദ്ധത്തിൽ പങ്കെടുത്തിട്ടുള്ള പരേതനായ സെബാസ്റ്റ്യനിൽ നിന്നും ലഭിച്ച പ്രചോദനമാണ് കഴക്കൂട്ടം സൈനിക സ്കൂളിൽ ചേർന്നു പഠിക്കുന്നതിനും ഇന്ത്യൻ കരസേനയുടെ ഉന്നതസ്ഥാനത്ത് എത്തുന്നതിനും സഹായകമായത്.
ഏഴുമുട്ടം മാളിയേക്കൽ കുടുംബാംഗവും തൊടുപുഴ ബോയ്സ് എച്ച്എസ് റിട്ട.കായികാധ്യാപകൻ പരേതനായ പി.ഡി. മാത്യുവിന്റെയും ഏഴുമുട്ടം സെന്റ് മേരീസ് എൽപി സ്കൂൾ റിട്ട. അധ്യാപിക പരേതയായ റോസക്കുട്ടിയുടെയും മൂത്തമകനാണ്. ഭാര്യ മിനി. ടിഫാനി, മെവിൻ എന്നിവരാണ് മക്കൾ. ഏക സഹോദരൻ ജോമി ഐടി പ്രഫഷണലാണ്.