അതേസമയം, ഇ -ഹെൽത്ത് പോർട്ടലിൽ യൂണിക് ഹെൽത്ത് ഐഡി നിർമിച്ചു സർക്കാർ ആശുപത്രികളിൽ ഓൺലൈൻ അപ്പോയ്ന്‍റ്മെന്‍റ് എടുക്കാനുള്ള സൗകര്യം നിലവിലുണ്ട്. പോർട്ടലിൽ ആധാര്‍ നമ്പറും ഫോൺ നന്പറും നൽകി രജിസ്ട്രേഷൻ നടത്തണം. ലഭിക്കുന്ന ഒടിപി പ്രകാരം 16 അക്ക ഓണ്‍ലൈന്‍ വ്യക്തിഗത ആരോഗ്യ തിരിച്ചറിയല്‍ നമ്പര്‍ ലഭിക്കും. തിരിച്ചറിയല്‍ നമ്പറും പാസ് വേഡും ഉപയോഗിച്ച് ആശുപത്രികളിലേക്കുള്ള നിശ്ചിത തീയതിയിലും സമയത്തുമുള്ള അപ്പോയ്ന്‍റ്മെന്‍റ് എടുക്കാനാകും. സംസ്ഥാനത്തെ 509 ആശുപത്രികളിൽ മാത്രമാണു നിലവിൽ ഈ സൗകര്യമുള്ളത്.