അതിനു വിരുദ്ധമായി മുഖ്യമന്ത്രി പിണറായി വിജയൻ, ജസ്റ്റീസ് മണികുമാറിനു കോവളത്തു വിരുന്നൊരുക്കിയതും പരാതിയിലുണ്ട്. ഇതിനാൽ മണികുമാറിന്‍റെ നിയമന ഫയൽ ഗവർണർ തത്കാലം മാറ്റിവയ്ക്കാനാണു സാധ്യത. മനുഷ്യാവകാശ കമ്മീഷൻ അധ്യക്ഷന്‍റെ അധികചുമതലയിൽ ജുഡീഷൽ അംഗം നിലവിലുണ്ട്.
നിയമസഭ പാസാക്കി സമർപ്പിച്ച ആശുപത്രികൾക്കും ആശുപത്രി ജീവനക്കാർക്കും സംരക്ഷണം നൽകുന്ന ആരോഗ്യസംരക്ഷണ ഭേദഗതി ബില്ലും സംസ്ഥാനത്തു മൂന്നു ചരക്കു സേവന നികുതി ട്രൈബ്യൂണലുകൾ സ്ഥാപിക്കുന്നതിനുള്ള നികുതി നിയമ ഭേദഗതി ബില്ലുമാണു ഗവർണർ അംഗീകരിച്ചത്. നിലവിൽ പത്തിലേറെ പഴയ ബില്ലുകൾ ഗവർണറുടെ അനുമതിക്കായി രാജ്ഭവന്‍റെ പരിഗണനയിലുണ്ട്.
ഇതുകൂടാതെ നിയമസഭ പാസാക്കിയ ഇടുക്കിയിലെ ഭൂമി ക്രമപ്പെടുത്തുന്നതിനുള്ള ഭൂപതിവു ഭേദഗതി ബിൽ അടക്കം ഗവർണർക്കു മുന്നിലെത്താനുണ്ട്. ഇതിലെ വിശദാംശങ്ങൾ പരിശോധിച്ച ശേഷമാകും ഗവർണർ തീരുമാനമെടുക്കുക.