കൊല്ലം : ദൈവത്തിൽ നിന്നു വൻകാര്യങ്ങൾ പ്രതീക്ഷിക്കുന്നതോടൊപ്പം ദൈവത്തിനായി പ്രവർത്തിക്കുന്നവർ കൂടി ആകണമെന്നും സമൂഹ നന്മയാകണം സഭകളുടെ ലക്ഷ്യമെന്നും ഓർത്തഡോക്സ് സഭ കൊല്ലം ഭദ്രാസനാധിപൻ ഡോ. ജോസഫ് മാർ ദിവന്നാസിയോസ് മെത്രാപ്പോലീത്ത അഭിപ്രായപ്പെട്ടു. മലങ്കര ഓർത്തഡോക്സ് സഭ കൊല്ലം ഭദ്രാസന വാർഷിക യോഗം ഉദ്ഘാടനം ചെയ്ത് പ്രസംഗിക്കുകയായിരുന്നു അദ്ദേഹം.
ഭദ്രാസന സെക്രട്ടറി ഫാ. പി.ടി. ഷാജൻ, വൈദിക സംഘം സെക്രട്ടറി ഫാ. ജോൺ ടി.വർഗീസ്, സഭാ മാനേജിങ് കമ്മിറ്റിയംഗം , ജോൺ സി.ഡാനിയേൽ, ഫാ. പി.തോമസ്, വൈ.അച്ചൻകുഞ്ഞ് തലവൂർ, ഫാ. ആൻഡ്രൂസ് വർഗീസ് തോമസ്, ഫാ.ബാബു ജോർജ്, ലാലുമോൻ മഞ്ഞക്കാല, മാത്യു ജോൺ കല്ലുംമൂട്ടിൽ, ഡോ. ഡി.പൊന്നച്ചൻ, സിബിൻ തേവലക്കര, ഫാ. മാത്യു ഏബ്രഹാം തലവൂർ, ഫാ. ഐപ്പ് നൈനാൻ, ഡോ. ജോൺസൺ കല്ലട, സാജു വർഗീസ്, റോബിൻ പി.അലക്സ്, ജോൺസൺ ജി.ഉമ്മൻ എന്നിവർ പ്രസംഗിച്ചു.