ഭാരതീപുരം: തുമ്പോട് ഓർത്തഡോക്സ് പള്ളിയിൽ വിശുദ്ധ കുര്യാക്കോസ് സഹദായുടെയും മാതാവ് യൂലിത്തിയുടെയും 98 ാം ഓർമപെരുന്നാൾ സമാപിച്ചു.14 ന് വൈകുന്നേരം പഴയേരൂർ കുരിശടിയിൽ നിന്നും ഫാ .ജിബിൻ ജോർജിന്‍റെ നേതൃത്വത്തിൽ ദൈവാലയത്തിലേക്ക് നൂറ് കണക്കിന് വിശ്വാസികൾ പങ്കെടുത്ത ഭക്തിനിർഭരമായ പ്രദക്ഷിണവും നടന്നു.
15 ന് രാവിലെ ഏഴിന് നടന്ന വിശുദ്ധ മൂന്നിന്മേൽ കുർബാനയ്ക്ക് മലങ്കര ഓർത്തഡോക്സ് സഭയുടെ ചെങ്ങന്നൂർ ഭദ്രാസനാധിപൻ ഡോ. മാത്യൂസ് മാർ തിമോത്തിയോസ് കാർമികത്വം വഹിച്ചു. ഫാ. മാത്യു എബ്രഹാം തലവൂർ, ഫാ. കുര്യാക്കോസ് ,തോമസ് പ്രകാശ് എന്നിവർ സഹകാർമികരായിരുന്നുവെന്ന് വികാരി ഫാ.ഗീവർഗീസ് പള്ളിവാതുക്കൽ, ഇടവക ട്രസ്റ്റി പി.ടി. കൊച്ചുമ്മച്ചൻ, ഇടവക സെക്രട്ടറി റോയ് തോമസ്, പെരുന്നാൾ കൺവീനർ റെജി എബ്രഹാം എന്നിവർ അറിയിച്ചു.