ചണ്ണപ്പേട്ട: പരപ്പാടി മാലിന്യ പ്ലാന്‍റിനെതിരെ ആക്ഷൻ കൗൺസിലിന്‍റെ നേതൃത്വത്തിൽ ചണ്ണപ്പേട്ടയിൽ നിന്നും ആരംഭിച്ച വില്ലേജ് ഓഫീസ് മാർച്ചിൽ ആയിരങ്ങൾ പങ്കെടുത്തു.
മാർച്ച് ഉദ്ഘാടനം ആക്ഷൻ കൗൺസിൽ രക്ഷാധികാരി ചാർളി കോലോത്ത് നിർവഹിച്ചു. മാർച്ച് വില്ലേജ് ഓഫീസ് പടിക്കൽ എത്തി ആക്ഷൻ കൗൺസിൽ ഭാരവാഹികൾ വില്ലേജ് ഓഫിസർക്കു നിവേദനം നൽകി. തുടർന്ന് ധർണ റവ.സുനീത്ത് മാത്യു ഉദ്ഘാടനംചെയ്തു.
ചെയർമാൻ ബാബു തടത്തിൽ അധ്യക്ഷത വഹിച്ച യോഗത്തിൽ അലയമൺ ഗ്രാമ പഞ്ചായത്ത് പ്രസിഡന്‍റ് ജയശ്രീ, വൈസ് പ്രസിഡന്‍റ് ജി. പ്രമോദ്, വാർഡ് മെമ്പർ ബിനു സി. ചാക്കോ, കോൺഗ്രസ്‌ അലയമൺ മണ്ഡലം പ്രസിഡന്‍റ് എം.എം. സാദിഖ്, ദിലീപ്, അസീം, വിനോദ് മേടപ്പുറം, റവ.ജിജി മാത്യു , പൊതു പ്രവർത്തകരായ കെ.ജി. സാബു, സുനിൽ ദത്ത്, സജീവ് പാങ്ങലുംകാട്, റോയി ചണ്ണപ്പേട്ട, കമ്മറ്റി അംഗങ്ങൾ ആയ അജിൽ ചന്ദ്രൻ, ശബരീഷ്, ആക്ഷൻ കൗൺസിൽ പ്രസിഡന്‍റ് ടി. റോയി, സെക്രട്ടറി ലിജോ തടത്തിൽ എന്നിവർ പ്രസംഗിച്ചു.