പ്ലൈ​വു​ഡ് ഫാ​ക്ട​റിക്കെതിരേ വൻ ജ​ന​കീ​യ പ്ര​ക്ഷോ​ഭം
Wednesday, July 17, 2024 6:44 AM IST
കൊ​ട്ടാ​ര​ക്ക​ര: ക​രീ​പ്ര പ​ഞ്ചാ​യ​ത്തി​ലെ ത​ള​വൂ​ർ​ക്കോ​ണം വാ​ർ​ഡി​ൽ സ്വ​കാ​ര്യ പ്ലൈ​വു​ഡ് ഫാ​ക്ട​റി​ക്കെ​തി​രേ ജ​ന​ങ്ങ​ൾ പ്ര​തി​ഷേ​ധ​ത്തി​ൽ.

ജ​ന​വാ​സ​മേ​ഖ​ല​യി​ൽ തു​ട​ങ്ങു​ന്ന പ്ലൈ​വു​ഡ് ഫാ​ക്ട​റി​ക്കു പ​ഞ്ചാ​യ​ത്ത് ന​ൽ​കി​യ നി​ർ​മാ​ണ അ​നു​മ​തി ഉ​ട​ൻ റ​ദ്ദാ​ക്ക​ണം എ​ന്നാ​വ​ശ്യ​പ്പെ​ട്ട് നാ​ട്ടു​കാ​രു​ടെ നേ​തൃ​ത്വ​ത്തി​ൽ പ്രദേശത്തെ സാം​സ്‌​കാ​രി​ക സം​ഘ​ട​ന​ക​ൾ, വാ​യ​ന​ശാ​ല​ക​ൾ, പാ​ട​ശേ​ഖ​ര സ​മി​തി, കു​ടി​വെ​ള്ള പ​ദ്ധ​തി ഭാ​ര​വാ​ഹി​ക​ൾ വി​വി​ധ, രാ​ഷ്ട്രീ​യ പാ​ർ​ട്ടി പ്ര​തി​നി​ധി​ക​ൾ, വൃ​ദ്ധ സ​ദ​ന​ത്തി​ലെ അ​ന്തേ​വാ​സി​ക​ൾ തു​ട​ങ്ങി​യ​വ​ർ ഒ​ത്തു​ചേ​ർ​ന്ന് സ​മ​ര പ്ര​ഖ്യാ​പ​ന ക​ൺ​വ​ൻ​ഷ​ൻ ന​ട​ത്തി.

ജ​ന​കീ​യ പ്ര​തി​രോ​ധ സ​മി​തി എ​ന്ന പേ​രി​ലാ​ണ് സ​മ​ര പ​രി​പാ​ടി​ക​ൾ ആ​സൂ​ത്ര​ണം ചെ​യ്തി​രി​ക്കു​ന്ന​ത്.​ ക​ഴി​ഞ്ഞ ദി​വ​സം ചേ​ർ​ന്ന പൊ​തു​ക​ൺ​വൻ​ഷ​നി​ൽ പ്ര​ദീ​പ്‌ കു​മാ​റി​നെ സ​മ​ര സ​മി​തി ചെ​യ​ർ​മാ​നാ​യും അ​രു​ൺ ലാ​ലി​നെ സ​മ​ര സ​മി​തി ക​ൺ​വീ​ന​റാ​യും അ​നൂ​പ് രാ​ജി​നെ ട്ര​ഷ​റ​റാ​യും തെ​ര​ഞ്ഞെ​ടു​ത്തു.​ നി​ർ​ദി​ഷ്ട പ​ദ്ധ​തി പ്ര​ദേ​ശ​ത്തി​ന് 100 മീ​റ്റ​റി​നു​ള്ളി​ലാ​ണ് കു​ടി​വെ​ള്ള പ​ദ്ധ​തി​യു​ടെ കി​ണ​ർ, അ​ങ്ക​ണ​വാ​ടി, വൃ​ദ്ധ ജ​ന​ങ്ങ​ൾ​ക്കു​ള്ള പ​ക​ൽ വീ​ട്, യു​വാ​ക്ക​ളു​ടെ ക​ളി​സ്ഥ​ലം, മൃ​ഗ​ശു​പ​ത്രീ, നെ​ൽ​വ​യ​ൽ എ​ന്നി​വ സ്ഥി​തി ചെ​യ്യു​ന്ന​ത്.. വൃ​ദ്ധ​രും രോ​ഗി​ക​ളു​മാ​യ നി​ര​വ​ധി പേ​ർ താ​മ​സി​ക്കു​ന്ന ഈ ​വാ​ർ​ഡി​ൽ ഇ​ത്ത​ര​മോ​രു പ​ദ്ധ​തി വ​രു​ന്ന​ത് രോ​ഗി​ക​ളാ​യ​വ​രു​ടെ അ​വ​സ്ഥ കൂ​ടു​ത​ൽ സ​ങ്കീ​ർ​ണ​ത​യി​ലേ​ക്ക് ത​ള്ളി​വി​ടു​മെ​ന്നാ​ണ് നാ​ട്ടു​കാ​ർ ആ​രോ​പി​ക്കു​ന്ന​ത്.


പ്ലൈ​വു​ഡ് ഫാ​ക്ട​റി മൂ​ലം ഉ​ണ്ടാ​കു​ന്ന മ​ണ്ണ് മ​ലി​നീ​ക​ര​ണം, വാ​യൂ മ​ലീ​നി​ക​ര​ണം, ജ​ല മ​ലി​നീ​ക​ര​ണം, ശ​ബ്ദ മ​ലി​നീ​ക​ര​ണം, ഗ​ന്ധം എ​ന്നി​വ ഈ ​മ​നോ​ഹ​ര ഗ്രാ​മ​ത്തി​ന് താ​ങ്ങാ​വു​ന്ന​തി​നും അ​പ്പു​റ​ത്താ​ണ്.

​ ഈ ​പ​ദ്ധ​തി​ക്കു​വേ​ണ്ടി പ​ഞ്ചാ​യ​ത്ത്‌, മ​ലി​നീ​ക​ര​ണ നി​യ​ത്ര​ണ ബോ​ർ​ഡ്‌ തു​ട​ങ്ങി​യ​വ ന​ൽ​കി​യി​രി​ക്കു​ന്ന അ​നു​മ​തി​ക​ൾ ഉ​ട​ൻ പി​ൻ​വ​ലി​ച്ചി​ല്ലെ​ങ്കി​ൽ സ്ഥി​രം സ​മ​ര പ​ന്ത​ൽ കെ​ട്ടി സ​ത്യാ​ഗ്ര​ഹ സ​മ​രം ആ​രം​ഭി​ക്കാ​നും നി​യ​മ പ​ര​മാ​യി ഏ​ത​റ്റം വ​രെ പോ​കാ​നു​മാ​ണ് ജ​ന​കീ​യ സ​മ​ര സ​മി​തി തീ​രു​മാ​നി​ച്ചി​രി​ക്കു​ന്ന​ത്.

ഇ​ന്ന​ലെ ന​ട​ന്ന ക​ൺ​വൻ​ഷ​നി​ൽ നൂ​റു ക​ണ​ക്കി​ന് നാ​ട്ടു​കാ​രും രാ​ഷ്ട്രീ​യ പ്ര​വ​ർ​ത്ത​ക​രും പ​ങ്കെ​ടു​ത്തു. സ്ഥ​ല​ത്തെ എംഎ​ൽഎ, ​എംപി, ​മ​ന്ത്രി​മാ​ർ എ​ന്നി​വ​രെ നേ​രി​ൽ ക​ണ്ട് പ​രാ​തി ന​ൽ​കാ​നും യോ​ഗം തീ​രു​മാ​നി​ച്ചു.