റൂ​റ​ൽ പോ​ലീ​സ് ജി​ല്ല​യി​ൽ സൈ​ബ​ർ വോ​ള​ണ്ടി​യ​ർ​മാ​രെ നി​യ​മി​ച്ചു
Wednesday, July 17, 2024 6:44 AM IST
കൊ​ട്ടാ​ര​ക്ക​ര: കൊ​ല്ലം റൂ​റ​ൽ പോ​ലീ​സ് ജി​ല്ല​യി​ൽ ഓ​ൺ​ലൈ​ൻ സാ​മ്പ​ത്തി​ക ത​ട്ടി​പ്പു​ക​ൾ വ്യാ​പ​ക​മാ​യ​തി​നെ​ത്തു​ട​ർ​ന്ന് ഇ​തി​ന് ത​ട​യി​ടാ​നും ബോ​ധ​വ​ത്ക​ര​ണ​ത്തി​നു​മാ​യി സൈ​ബ​ർ വോ​ള​ന്‍റി​യ​ർ​മാ​രെ നി​യ​മി​ച്ചു.​ ഇ​വ​ർ ജ​ന​ങ്ങ​ൾ​ക്കി​ട​യി​ൽ പ്ര​വ​ർ​ത്ത​ന​മാ​രം​ഭി​ച്ചി​ട്ടു​ണ്ട്.

340 വോ​ള​ന്‍റി​യ​ർ​മാ​രെ​യാ​ണ് ഇ​തി​നാ​യി നി​യോ​ഗി​ച്ചി​ട്ടു​ള്ള​ത്. സൈ​ബ​ർ ത​ട്ടി​പ്പു​ക​ൾ വ്യാ​പ​ക​മാ​വു​ക​യും 13 കോ​ടി​യി​ല​ധി​കം രൂ​പ പ​ല​രി​ൽ നി​ന്നാ​യി റൂ​റ​ൽ ജി​ല്ല​യി​ൽ മാ​ത്രം ന​ഷ്ട​പ്പെ​ടു​ക​യും ചെ​യ്ത സാ​ഹ​ച​ര്യ​ത്തി​ലാ​ണ് വോ​ള​ന്‍റി​യ​ർ​മാ​രെ സ​ജ്ജ​രാ​ക്കി​യ​ത്. അ​പേ​ക്ഷ ക്ഷ​ണി​ച്ചാ​ണ് സ​ന്ന​ദ്ധ സേ​വ​ന​ത്തി​നു​ള്ള സൈ​ബ​ർ വോ​ള​ന്‍റി​യ​ർ​മാ​രെ ക​ണ്ടെ​ത്തി​യ​ത്.

ഇ​വ​ർ​ക്ക് പ​രി​ശീ​ല​നം ന​ൽ​കി. പൊ​തു​ജ​ന​ങ്ങ​ളെ നേ​രി​ട്ട് ബോ​ധ​വ​ത്ക​ര​ണം ന​ട​ത്തു​ക​യാ​ണ് പ്ര​ധാ​ന ചു​മ​ത​ല. ത​ട്ടി​പ്പി​നി​ര​യാ​യ​വ​ർ​ക്ക് വേ​ണ്ടു​ന്ന മാ​ർ​ഗ നി​ർ​ദേശ​ങ്ങ​ൾ ന​ൽ​കി നി​യ​മ സം​ര​ക്ഷ​ണം ഉ​റ​പ്പാ​ക്കും. ​പൊ​തു​ജ​ന​ങ്ങ​ൾ​ക്ക് സൈ​ബ​ർ സു​ര​ക്ഷാ അ​വ​ബോ​ധം പ​ക​രു​ക​യാ​ണ് മു​ഖ്യ ല​ക്ഷ്യം.


സൗ​ജ​ന്യ സേ​വ​ന​മാ​ണ് ഇ​വ​ർ ന​ട​ത്തു​ന്ന​ത്. റ​സി​ഡ​ൻ​സ് അ​സോ​സി​യേ​ഷ​നു​ക​ൾ, ഗ്രാ​മീ​ണ കൂ​ട്ടാ​യ്മ​ക​ൾ എ​ന്നി​വ വി​ളി​ച്ചു​കൂ​ട്ടി​യാ​ണ് ക്ലാ​സു​ക​ളെ​ടു​ക്കു​ന്ന​ത്. ജ​ന​മൈ​ത്രി പോലീ​സും ജ​ന​പ്ര​തി​നി​ധി​ക​ളും ഇ​തി​നാ​യി മു​ൻ​കൈ​യെ​ടു​ക്കും. റൂ​റ​ൽ ജി​ല്ല​യി​ൽ എ​ല്ലാ സ്റ്റേ​ഷ​ൻ പ​രി​ധി​യി​ലും നി​ര​വ​ധി​യാ​യ ബോ​ധ​വ​ൽ​ക്ക​ര​ണ പ്രോ​ഗ്രാ​മു​ക​ൾ സം​ഘ​ടി​പ്പി​ക്കും. സൈ​ബ​ർ കു​റ്റ​കൃ​ത്യ​ങ്ങ​ൾ ദി​നം​പ്ര​തി കൂ​ടു​ക​യാ​ണ്. ത​ട്ടി​പ്പി​ന് ഇ​ര​യാ​കു​ന്ന​വ​ർ അ​ന​വ​ധി​യാ​ണ്.

ഈ ​സാ​ഹ​ച​ര്യ​ത്തി​ൽ ബോ​ധ​വ​ത്ക​ര​ണം ന​ട​ത്തു​ക​യാ​ണ് ശ​രി​യ്ക്കു​മു​ള്ള പോം​വ​ഴി​യെ​ന്ന് പോ​ലീ​സ് വി​ല​യി​രു​ത്തു​ന്നു. ഇ​തി​നു​ള്ള പോം​വ​ഴി എ​ന്ന നി​ല​യി​ലാ​ണ് വോ​ള​ന്‍റി​യ​ർ​മാ​രു​ടെ സേ​വ​നം ഉ​റ​പ്പു വ​രു​ത്തു​ന്ന​തെ​ന്ന് ജി​ല്ലാ പോ​ലീ​സ് മേ​ധാ​വി കെ.എം സാ​ബു മാ​ത്യു അ​റി​യി​ച്ചു.