യു​വാ​വി​നെ വെ​ട്ടി​ക്കൊല​പ്പെ​ടു​ത്താ​ന്‍ ശ്ര​മം : ര​ണ്ടു​പേ​ര്‍ പി​ടി​യി​ല്‍
Monday, July 15, 2024 6:44 AM IST
അ​ഞ്ച​ല്‍ : അ​ഞ്ച​ലി​ല്‍ യു​വാ​വി​നെ വെ​ട്ടി​കൊ​ല​പ്പെ​ടു​ത്താ​ന്‍ ശ്ര​മി​ച്ച കേ​സി​ല്‍ ര​ണ്ടു​പ്ര​തി​ക​ളെ പോ​ലീ​സ് അ​റ​സ്റ്റ് ചെ​യ്തു. കു​രു​വി​ക്കോ​ണം സ്വ​ദേ​ശി സു​ജീ​ഷ് എ​ന്ന​യാ​ളെ വെ​ട്ടി​പ​രി​ക്കേ​ല്‍​പ്പി​ച്ച കേ​സി​ലാ​ണ് ആ​ല​പ്പു​ഴ നൂ​റ​നാ​ട് പ​ട​നി​ലം വൃ​ന്ദാ​വ​നം വീ​ട്ടി​ല്‍ രാ​ജേ​ഷ്‌ എ​ന്ന അ​മ്പി​ളി രാ​ജേ​ഷ്‌, പ​ത്ത​നം​തി​ട്ട പ​ള്ളി​ക്ക​ല്‍ പ​യ്യ​നെ​ല്ലൂ​ര്‍ മീ​ന​ത്തേ​രി​ല്‍ വീ​ട്ടി​ല്‍ സു​മേ​ഷ് എ​ന്നി​വ​രെ അ​ഞ്ച​ല്‍ പോ​ലീ​സ് അ​റ​സ്റ്റ് ചെ​യ്ത​ത്.

നാ​ല് ദി​വ​സ​ങ്ങ​ള്‍​ക്ക് മു​മ്പ് അ​ഞ്ച​ല്‍ വ​ട​മ​ണ്‍ വ​ഞ്ചി​മു​ക്കി​ന് സ​മീ​പ​മാ​യി​രു​ന്നു ആ​ക്ര​മ​ണം. കാ​റി​ലെ​ത്തി​യ സം​ഘം സു​ജീ​ഷി​നെ വെ​ട്ടു​ക​യാ​യി​രു​ന്നു.

വെ​ട്ടു​കൊ​ണ്ടു ഓ​ടി​യ സു​ജീ​ഷ് സ​മീ​പ​ത്തെ വീ​ട്ടി​ലേ​ക്ക് ഓ​ടി​ക്ക​യ​റി. ഇ​തോ​ടെ സം​ഘം ര​ക്ഷ​പ്പെ​ടു​ക​യാ​യി​രു​ന്നു. ത​ല​യ്ക്കും കാ​ലി​നും പ​രി​ക്കേ​റ്റ സു​ജീ​ഷി​നെ അ​ഞ്ച​ലി​ലെ സ്വ​കാ​ര്യാ​ശു​പ​ത്രി​യി​ല്‍ പ്ര​വേ​ശി​പ്പി​ക്കു​ക​യാ​യി​രു​ന്നു.

പി​ന്നീ​ട് ഇ​യാ​ളു​ടെ മൊ​ഴി രേ​ഖ​പ്പെ​ടു​ത്തി​യ പോ​ലീ​സ് വ​ധ​ശ്ര​മം ഉ​ള്‍​പ്പ​ടെ വി​വി​ധ വ​കു​പ്പു​ക​ള്‍ ചു​മ​ത്തി കേ​സ് ര​ജി​സ്റ്റ​ര്‍ ചെ​യ്തു.ഒ​ളി​വി​ല്‍ പോ​യ പ്ര​തി​ക​ളെ ക​ഴി​ഞ്ഞ ദി​വ​സം രാ​ത്രി​യോ​ടെ അ​മ്പ​ല​പ്പു​ഴ​യി​ല്‍ നി​ന്നും പി​ടി​കൂ​ടു​ക​യാ​യി​രു​ന്നു. പി​ടി​യി​ലാ​യ മു​ഖ്യ​പ്ര​തി അ​മ്പി​ളി രാ​ജേ​ഷ്‌ മു​മ്പ് ക്ഷേ​ത്ര​ത്തി​ല്‍ ശാ​ന്തി​ക്കാ​ര​നാ​യി ജോ​ലി ചെ​യ്തി​രു​ന്നു.


ഈ​സ​മ​യം ഇ​യാ​ള്‍ മ​ദ്യ​പി​ച്ചു​വെ​ന്ന് പ​രി​ക്കേ​റ്റ സു​ജീ​ഷ് സോ​ഷ്യ​ല്‍ മീ​ഡി​യ​യി​ല്‍ പോ​സ്റ്റ്‌ ചെ​യ്യു​ക​യും രാ​ജേ​ഷി​നെ പി​ന്നീ​ട് ക്ഷേ​ത്ര​ത്തി​ല്‍ നി​ന്നും പി​രി​ച്ചു​വി​ടു​ക​യും ചെ​യ്തി​രു​ന്നു. ഇ​തി​ന്‍റെ പേ​രി​ല്‍ ഇ​രു​വ​രും ത​മ്മി​ല്‍ പ​ല​പ്പോ​ഴും നേ​രി​ട്ടും അ​ല്ലാ​തെ​യും വാ​ക്കേ​റ്റം ഉ​ള്‍​പ്പ​ടെ ഉ​ണ്ടാ​യി​രു​ന്നു.

ഇ​തി​ന്‍റെ വൈ​രാ​ഗ്യ​മാ​ണ് ആ​ക്ര​മ​ണ​ത്തി​ല്‍ ക​ലാ​ശി​ച്ച​തെ​ന്ന് പോ​ലീ​സ് പ​റ​യു​ന്നു. ആ​ക്ര​മ​ണ​ത്തി​നാ​യി ഉ​പ​യോ​ഗി​ച്ച കാ​റും പോ​ലീ​സ് ക​സ്റ്റ​ഡി​യി​ല്‍ എ​ടു​ത്തി​ട്ടു​ണ്ട്.

അ​തേ​സ​മ​യം അ​ടു​ത്ത സു​ഹൃ​ത്തു​ക്ക​ള്‍ ആ​യി​രു​ന്ന സു​ജീ​ഷും രാ​ജേ​ഷും ത​മ്മി​ല്‍ മ​റ്റെ​ന്തെങ്കി​ലും പ്ര​ശ്ന​ങ്ങ​ള്‍ ഉ​ണ്ടോ എ​ന്നും പോ​ലീ​സ് അ​ന്വേ​ഷി​ക്കു​ന്നു​ണ്ട്. ഇ​തി​നാ​യി റി​മാ​ന്‍റ് ചെ​യ്ത പ്ര​തി​ക​ളെ വീ​ണ്ടും ക​സ്റ്റ​ഡി​യി​ല്‍ വാ​ങ്ങാ​നാ​ണ് പോ​ലീ​സ് തീ​രു​മാ​നം.

ഇ​തി​നാ​യി ഉ​ട​ന്‍ കോ​ട​തി​യി​ല്‍ അ​പേ​ക്ഷ ന​ല്‍​കും. പി​ടി​യി​ലാ​യ രാ​ജേ​ഷും, സു​മേ​ഷും നി​ര​വ​ധി കേ​സു​ക​ളി​ല്‍ പ്ര​തി​ക​ളാ​ണ്. സു​മേ​ഷി​നെ​തി​രെ കാ​പ്പ ഉ​ള്‍​പ്പ​ടെ ചു​മ​ത്തി​യി​ട്ടു​ണ്ട്. അ​ഞ്ച​ല്‍ സ​ര്‍​ക്കി​ള്‍ ഇ​ന്‍​സ്പെ​ക്ട​ര്‍ ബി ​.സാ​ബു​വി​ന്‍റെ നേ​തൃ​ത്വ​ത്തി​ലു​ള്ള പോ​ലീ​സ് സം​ഘ​മാ​ണ് പ്ര​തി​ക​ളെ പി​ടി​കൂ​ടി​യ​ത്. കേ​സി​ല്‍ ഒ​ളി​വി​ലു​ള്ള മ​റ്റു​പ്ര​തി​ക​ളെ​യും ഉ​ട​ന്‍ പി​ടി​കൂ​ടു​മെ​ന്ന് പോ​ലീ​സ് പ​റ​ഞ്ഞു.