തൃ​ശൂ​ർ: അ​കാ​ല​ത്തി​ൽ വി​ട്ടു​പി​രി​ഞ്ഞ സ​ഹ​പ്ര​വ​ർ​ത്ത​ക​ൻ രാം​നേ​ഷി​ന്‍റെ കു​ടും​ബ​ത്തി​നു വീ​ടൊ​രു​ക്കി കു​ടും​ബ​ശ്രീ കൂ​ട്ടാ​യ്മ. ഇ​ടു​ക്കി ജി​ല്ലാ മി​ഷ​നി​ലെ ഫാം ​ലൈ​വ്‌​ലി​ഹു​ഡ് ജി​ല്ലാ പ്രോ​ഗ്രാം മാ​നേ​ജ​രാ​യി​രു​ന്ന രാം​നേ​ഷി​ന്‍റെ കു​ടും​ബ​ത്തി​നു അ​വ​ണി​ശേ​രി പ​ഞ്ചാ​യ​ത്ത് പ​ത്താം​വാ​ർ​ഡി​ലാ​ണു വീ​ടൊ​രു​ക്കി​യ​ത്. വീ​ടി​ന്‍റെ താ​ക്കോ​ൽ​കൈ​മാ​റ്റം പെ​രി​ഞ്ചേ​രി തി​രു​ഹൃ​ദ​യ പ​ള്ളി പാ​രി​ഷ് ഹാ​ളി​ൽ മ​ന്ത്രി എം.​ബി. രാ​ജേ​ഷ് നി​ർ​വ​ഹി​ച്ചു. സി.​സി. മു​കു​ന്ദ​ൻ എം​എ​ൽ​എ അ​ധ്യ​ക്ഷ​ത വ​ഹി​ച്ചു.

ഇ​ടു​ക്കി ജി​ല്ലാ മി​ഷ​നി​ലെ ഫാം ​ലൈ​വ്‌​ലി​ഹു​ഡ് ജി​ല്ലാ പ്രോ​ഗ്രാം മാ​നേ​ജ​രാ​യി​രു​ന്ന രാം​നേ​ഷ് ഒ​ന്ന​ര​വ​ർ​ഷം​മു​ന്പാ​ണു തി​രു​വ​ന​ന്ത​പു​ര​ത്തു വാ​ഹ​നാ​പ​ക​ട​ത്തി​ൽ മ​രി​ച്ച​ത്. നി​ർ​ധ​ന​കു​ടും​ബാം​ഗ​മാ​യി​രു​ന്ന രാം​നേ​ഷി​ന്‍റെ സ്വ​ന്ത​മാ​യൊ​രു വീ​ടെ​ന്ന സ്വ​പ്നം കു​ടും​ബ​ശ്രീ ഇ​ടു​ക്കി ജി​ല്ലാ മി​ഷ​ന്‍റെ നേ​തൃ​ത്വ​ത്തി​ൽ നി​റ​വേ​റ്റു​ക​യാ​യി​രു​ന്നു.

വി​വി​ധ സി​ഡി​എ​സു​ക​ളി​ൽ​നി​ന്നാ​യി 52,68,924 രൂ​പ​യും ജി​ല്ലാ മി​ഷ​ൻ സ്റ്റാ​ഫ്, സ​പ്പോ​ർ​ട്ടിം​ഗ് ടീം ​അം​ഗ​ങ്ങ​ൾ, മു​ൻ​ജീ​വ​ന​ക്കാ​ർ, അ​ഭ്യു​ദ​യ​കാം​ക്ഷി​ക​ൾ എ​ന്നി​വ​രി​ൽ​നി​ന്നാ​യി 2,49,200 രൂ​പ​യും സ​മാ​ഹ​രി​ച്ചു. തു​ട​ർ​ന്ന് നാ​ലു​സെ​ന്‍റ് സ്ഥ​ല​വും 1365 സ്ക്വ​യ​ർ​ഫീ​റ്റ് വീ​ടും രാം​നേ​ഷി​ന്‍റെ അ​മ്മ മാ​ന​സ​വ​ല്ലി​യു​ടെ പേ​രി​ൽ വാ​ങ്ങി, ബാ​ക്കി​യു​ണ്ടാ​യി​രു​ന്ന പ​ണി​ക​ൾ​കൂ​ടി നി​ർ​വ​ഹി​ച്ചു വീ​ട് കൈ​മാ​റു​ക​യാ​യി​രു​ന്നു.

താ​ക്കോ​ൽ കൈ​മാ​റ്റ​ച്ച​ട​ങ്ങി​ൽ ചേ​ർ​പ്പ് ബ്ലോ​ക്ക് പ​ഞ്ചാ​യ​ത്ത് പ്ര​സി​ഡ​ന്‍റ് എ.​കെ. രാ​ധാ​കൃ​ഷ്ണ​ൻ, അ​വി​ണി​ശേ​രി ഗ്രാ​മ​പ​ഞ്ചാ​യ​ത്ത് പ്ര​സി​ഡ​ന്‍റ് ഹ​രി സി. ​ന​രേ​ന്ദ്ര​ൻ, ജി​ല്ലാ പ​ഞ്ചാ​യ​ത്തം​ഗം വി.​ജി. വ​ന​ജ​കു​മാ​രി, തൊ​ടു​പു​ഴ ചെ​യ​ർ​പേ​ഴ്സ​ൺ സു​ഷ​മ ജോ​യ് തു​ട​ങ്ങി​യ​വ​രും പ​ങ്കെ​ടു​ത്തു.