മെറീന പോളിന് വൈഎംസിഎ ഗോൾഡൻ വിംഗ്സ് അവാർഡ്
Wednesday, October 23, 2024 1:11 AM IST
തൃശൂർ: തൃശൂർ വൈഎംസിഎയുടെ വൈഎംസിഎ ഗോൾഡൻ വിംഗ്സ് 2024 അവാർഡ് ഇസാഫ് ഗ്രൂപ്പിന്റെ കോ-ഫൗണ്ടറും ഇസാഫ് ഫൗണ്ടേഷന്റെ എക്സിക്യൂട്ടീവ് ഡയറക്ടറുമായ മെറീന പോളിന്.
1992ൽ കെ. പോൾ തോമസുമായി ചേർന്ന് ഇസാഫ് ഗ്രൂപ്പിനു തുടക്കംകുറിച്ചു. അതിലൊന്നായ ഇസാഫ് സ്മോൾ ഫിനാൻസ് ബാങ്ക് ഇന്ത്യയിലാകെ വളർന്നു. മികച്ച സംരംഭകയും സാമൂഹികപ്രവർത്തകയുമാണു മെറീന പോൾ.
26ന് കാസിനോ ഓഡിറ്റോറിയത്തിൽ നടക്കുന്ന വൈഎംസിഎ വാർഷികദിനാഘോഷത്തിൽ മന്ത്രിമാരായ കെ. രാജനും ആർ. ബിന്ദുവും ചേർന്ന് അവാർഡ് സമ്മാനിക്കും. ചടങ്ങിൽ ഇരിങ്ങാലക്കുട ബിഷപ് മാർ പോളി കണ്ണൂക്കാടൻ, വൈഎംസിഎ റീജണൽ ചെയർമാൻ ജോസ് നെറ്റിക്കാടൻ, തൃശൂർ വൈഎംസിഎ പ്രസിഡന്റ് ജോജു മഞ്ഞില, പ്രോഗ്രാം കമ്മിറ്റി ചെയർമാൻ പ്രതീഷ് കവലക്കാട്ട് എന്നിവർ പങ്കെടുക്കും.