ഇടവേള ബാബുവിനെതിരായ കേസ്: തുടര്നടപടികള്ക്കു സ്റ്റേ
Friday, October 25, 2024 1:10 AM IST
കൊച്ചി: നടിയുടെ പരാതിയില് താരസംഘടനയായ ‘അമ്മ’ യുടെ മുന് ജനറല് സെക്രട്ടറി ഇടവേള ബാബുവിനെതിരേ കോഴിക്കോട് നടക്കാവ് പോലീസെടുത്ത കേസിലെ തുടർനടപടികൾ ഹൈക്കോടതി സ്റ്റേ ചെയ്തു.
സിനിമയില് അവസരവും സംഘടനയില് അംഗത്വവും ലഭിക്കാന് ലൈംഗികതാത്പര്യത്തോടെ ഇടപെട്ടുവെന്നാരോപിച്ച് കോഴിക്കോട് സ്വദേശിനിയായ നടി നല്കിയ പരാതിയിലെടുത്ത കേസിലെ തുടര്നടപടികളാണു ജസ്റ്റീസ് എ. ബദറുദ്ദീന് താത്കാലികമായി സ്റ്റേ ചെയ്തത്. നവംബര് 18 വരെയാണു സ്റ്റേ അനുവദിച്ചിട്ടുള്ളത്.