നടന് ബാല വീണ്ടും വിവാഹിതനായി
Thursday, October 24, 2024 2:55 AM IST
കൊച്ചി: നടന് ബാല വീണ്ടും വിവാഹിതനായി. ബന്ധുകൂടിയായ ചെന്നൈ സ്വദേശിനി കോകിലയാണ് വധു. ഇന്നലെ രാവിലെ 8.30ന് കലൂര് പാവക്കുളം ക്ഷേത്രത്തിലായിരുന്നു വിവാഹം. അടുത്ത ബന്ധുക്കളും സുഹൃത്തുക്കളും മാത്രമാണു വിവാഹച്ചടങ്ങില് പങ്കെടുത്തത്.
ചന്ദന സദാശിവ എന്ന കര്ണാടക സ്വദേശിനിയെയാണ് ബാല ആദ്യം വിവാഹം ചെയ്തതെന്ന് ചില റിപ്പോര്ട്ടുകള് വന്നിരുന്നു. പിന്നീട് ഗായിക അമൃത സുരേഷിനെ വിവാഹം ചെയ്തെങ്കിലും 2019ല് വേർപിരിഞ്ഞു.
2021 മുതൽ കുന്നംകുളം സ്വദേശിനി എലിസബത്തുമൊത്തായിരുന്നു താമസം. ഇവരെ നിയമപരമായി വിവാഹം ചെയ്തിരുന്നില്ല. എലിസബത്തുമായി ബന്ധം പിരിഞ്ഞതിനു പിന്നാലെയാണ് ഇപ്പോഴത്തെ വിവാഹം.