രാഹുലും പ്രിയങ്കയും പുത്തുമലയിൽ സന്ദർശനം നടത്തി
Thursday, October 24, 2024 2:55 AM IST
കൽപ്പറ്റ: പുഞ്ചിരിമട്ടം ഉരുൾ ദുരന്തത്തിൽ മരിച്ചതിൽ തിരിച്ചറിയാത്തതടക്കം മൃതദേഹങ്ങൾ സംസ്കരിച്ച പുത്തുമല ശ്മശാനത്തിൽ പ്രിയങ്കയും രാഹുലും സന്ദർശനം നടത്തി.
ശ്മശാനത്തിൽ അടക്കം ചെയ്തവർക്ക് പ്രിയങ്കയും രാഹുലും ആദരാഞ്ജലിയർപ്പിച്ചു. ഇരുവരും അര മണിക്കൂറോളമാണ് ശ്മശാനത്തിൽ ചെലവഴിച്ചത്. ദുരന്തബാധിത പ്രദേശങ്ങൾ രാഹുലും പ്രിയങ്കയും നേരത്തേ സന്ദർശിച്ചിരുന്നു.
പത്രികാ സമർപ്പണത്തിനുശേഷം മടങ്ങിയ പ്രിയങ്ക ഗാന്ധി 27, 28, 29 തീയതികളിൽ മണ്ഡലത്തിൽ പ്രചാരണത്തിനെത്തും.