കണ്ണൂർ: സംസ്ഥാനത്ത് ചൂട് ക്രമാതീതമായി ഉയരുന്പോൾ നട്ടുച്ചയ്ക്ക് പരീക്ഷകൾ വച്ച് വിദ്യാഭ്യാസ വകുപ്പ്. ഒന്പത്, എട്ട് ക്ലാസുകളുടെ വാർഷിക പരീക്ഷകളാണു ചൂട് കൂടിയ സമയത്ത് ക്രമീകരിച്ചിരിക്കുന്നത്.
നാളെയാണ് പരീക്ഷകൾ ആരംഭിക്കുന്നത്. ഉച്ചയ്ക്ക് 1.30 മുതൽ 3.15 വരെയും 2.15 മുതൽ നാലുവരെയും 1.30 മുതൽ 4.15 വരെയുമാണു പരീക്ഷാ സമയക്രമം.
ചൂട് കൂടുതലുള്ള ഉച്ചസമയത്താണു കുട്ടികൾ സ്കൂളിൽ വരേണ്ടതും പരീക്ഷയെഴുതേണ്ടതും. പത്ത് ജില്ലകളിൽ യെല്ലോ അലർട്ടും പ്രഖ്യാപിച്ചിട്ടുണ്ട്. ഇതിനിടയിലാണ് പരീക്ഷാ സമയക്രമം നട്ടുച്ചയ്ക്ക് നിശ്ചയിച്ചിരിക്കുന്നത്. സമയം മാറ്റി ക്രമീകരിക്കണമെന്ന് അധ്യാപക സംഘടനകൾ പൊതുവിദ്യാഭ്യാസ വകുപ്പിനോട് ആവശ്യപ്പെട്ടിട്ടും സമയക്രമീകരണം നടത്തിയില്ലെന്നും പരാതിയുണ്ട്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.