പൊതുവിദ്യാഭ്യാസ മേഖലയിൽ പ്രീപ്രൈമറി മുതൽ ഹയർസെക്കൻഡറി വരെയുള്ള പാഠ്യപദ്ധതി പരിഷ്കരണ പ്രവർത്തനങ്ങൾ പുരോഗമിക്കുകയാണ്. ആർട്ടിഫിഷൽ ഇന്റലിജൻസിന്റെ സാധ്യതകളെ സംസ്ഥാനത്തെ പൊതുവിദ്യാഭ്യാസ വകുപ്പ് ഉപയോഗപ്പെടുത്തും.
ആദ്യഘട്ടമെന്ന നിലയിൽ സംസ്ഥാനത്തെ മുഴുവൻ അധ്യാപകർക്കും ഈ മേഖലയിൽ പരിശീലനം നല്കിക്കഴിഞ്ഞു. കുട്ടികൾക്കായി റോബോട്ടിക് കിറ്റുകളും വിതരണം ചെയ്തതായി മന്ത്രി പറഞ്ഞു.
സർവകലാശാലയിലെ ഐടി വിദ്യാർഥികൾ തയാറാക്കിയ ആർടിസൈൻ സ്റ്റാർട്ടപ്പിന്റെ ലോഞ്ചിംഗ് മന്ത്രി നിർവഹിച്ചു. ഗവേഷണ പദ്ധതിയുടെ ടീം അംഗങ്ങൾക്കു മന്ത്രി സർട്ടിഫിക്കറ്റ് നൽകി.
എം. വിജിൻ എംഎൻഎ അധ്യക്ഷനായിരുന്നു. കണ്ണൂർ സർവകലാശാല രജിസ്ട്രാർ പ്രഫ. ജോബി കെ. ജോസ്, എസ്സിഇആർടി ഡയറക്ടർ ഡോ. ആർ.കെ. ജയപ്രകാശ്, കെ.പി. അനീഷ് കുമാർ, കെ.വി. പ്രമോദ്കുമാർ, കെ. ആര്യ തുടങ്ങിയവർ പങ്കെടുത്തു.