ബിസിനസുകാര്‍ക്കായി ഇന്ന് കോഴിക്കോട്ട് ശില്പശാല
Tuesday, October 8, 2024 2:46 AM IST
കോട്ടയം: ബിസിനസിലേക്കു ഫണ്ട് കൊണ്ടുവരാനും വളര്‍ത്താനുമുള്ള പ്രായോഗിക വഴികള്‍ വിശദീകരിക്കുന്ന ഏകദിന ശില്പശാല ഇന്ന് കോഴിക്കോട് മലബാര്‍ പാലസില്‍ നടക്കും. കാലിക്കറ്റ് മാനേജ്മെന്‍റ് അസോസിയേഷന്‍റെ പങ്കാളിത്തത്തിൽ നടത്തുന്ന എംഎസ്എംഇ സമിറ്റില്‍ വിവിധ മേഖലകളിലെ പത്തിലേറെ വിദഗ്ധര്‍ വിശദീകരിക്കും.
രാവിലെ ഒന്പതു മുതല്‍ വൈകുന്നേരം ആറുവരെ നടക്കുന്ന ശില്പശാലയില്‍ കെഎസ്ഐഡിസി ചെയര്‍പേഴ്സണ്‍ സി. ബാലഗോപാല്‍ മുഖ്യാതിഥിയാകും. ജ്യോതി ലാബ്സ് മുന്‍ ജോയിന്‍റ് എംഡിയും ഫിക്കി കര്‍ണാടക സംസ്ഥാന കൗണ്‍സില്‍ ചെയര്‍മാനും യുകെ ആന്‍ഡ് കോ സ്ഥാപകനുമായ ഉല്ലാസ് കമ്മത്ത് മുഖ്യപ്രഭാഷണം നടത്തും.
ചര്‍ച്ചയില്‍ ഇവോള്‍വ് ബാക്ക് റിസോര്‍ട്ട്സ് എക്സിക്യൂട്ടിവ് ഡയറക്‌ടര്‍ ജോസ് ടി. രാമപുരം, ജയലക്ഷ്മി സില്‍ക്സ് എക്സിക്യൂട്ടീവ് ഡയറക്‌ടര്‍ സുജിത് കമ്മത്ത്, എളനാട് മില്‍ക്ക് എംഡി സജീഷ് കുമാര്‍ എന്നിവര്‍ പങ്കെടുക്കും.
വിദേശ രാജ്യങ്ങളിലെ ബിസിനസ് സംബന്ധിച്ചു എബിസി ഗ്രൂപ്പ് എംഡി മുഹമ്മദ് മദനി, ബംഗളൂരുവിലെ ഇന്നവേഷന്‍ ബൈ ഡിസൈന്‍ ചീഫ് ഇന്നവേറ്റർ ഡോ. സുധീന്ദ്ര കൗശിക് എന്നിവരും പ്രസംഗിക്കും. 300 പേര്‍ക്കു മാത്രമാകും പ്രവേശനം. കൂടുതല്‍ വിവരങ്ങള്‍ക്ക്: റിനി 90725 70055.