1948ലെ മിനിമം വേജസ് ആക്ടിന്‍റെ പരിധിയിൽ വരുന്ന തൊഴിലാളികളുടെ വേതനം പുതുക്കുന്നതുമായി ബന്ധപ്പെട്ട് പുതിയ ഉപഭോക്തൃ വില സൂചിക തയാറാക്കുന്നതിനായി ഫാമിലി ബജറ്റ് സർവേ നടത്തുക. ഇതു സംബന്ധിച്ച കാര്യങ്ങളുടെ നിയന്ത്രണത്തിന് വിവിധ വകുപ്പുകൾ ഉൾപ്പെട്ട സംസ്ഥാനതല കണ്‍സ്യൂമർ പ്രൈസ് ഇൻഡക്സ് റിവിഷൻ കമ്മിറ്റി രൂപീകരിക്കും. തൊഴിൽ, ഭക്ഷ്യ- സിവിൽ സപ്ലൈസ്, ആരോഗ്യ, വിദ്യാഭ്യാസ, ഇക്കണോമിക്സ് ആൻഡ് സ്റ്റാറ്റിസ്റ്റിക്സ് വകുപ്പുകൾ അടങ്ങിയ റിവിഷൻ കമ്മിറ്റിയാകും രൂപീകരിക്കുക.
സർവേയ്ക്കായി ഡപ്യൂട്ടി ഡയറക്ടർ-1, റിസർച്ച് അസിസ്റ്റന്‍റ്-1, എൽഡി കന്പയിലർ, എൽഡി ടൈപ്പിസ്റ്റ്-2 എന്നീ തസ്തികകൾ 18 മാസത്തേക്ക് സൃഷ്ടിക്കും. പുനർവിന്യാസം വഴി ഈ തസ്തികകളിലേയ്ക്ക് നിയമനം നടത്തും. പ്രതിദിനം 600 രൂപ വേതനത്തിൽ 22 ഫീൽഡ് വർക്കർമാരെയും ഒന്നര വർഷത്തേയ്ക്കു നിയമിക്കും.