പോലീസിന്‍റെ അന്വേഷണത്തിൽ കണ്ടെത്തിയ അന്നത്തെ തേവരയിൽനിന്നുള്ള ദൃശ്യങ്ങളിലും ആദമിനെ കാണാം. ശേഷം സംഭവിച്ചത് എന്തെന്നതിനെക്കുറിച്ച് ഒരു വിവരവും ആർക്കുമില്ല.
എസ്എസ്എൽസിക്കും പ്ലസ്ടുവിനും എല്ലാ വിഷയങ്ങൾക്കും എ പ്ലസ് നേടിയ ആദം സിഎയുടെ പ്രിലിമിനറി പാസായി. ഇന്‍ററിനും ഒപ്പം പിഎസ്‌സി പരീക്ഷയ്ക്കുമുള്ള തയാറെടുപ്പിലായിരുന്നു. കോവിഡ് കാലമായതിനാൽ പ്ലസ്ടു മുതലുള്ള പഠനം പൂർണമായും ഓൺലൈനിലായിരുന്നു. അതിനാൽത്തന്നെ പുറത്തുള്ള സൗഹൃദങ്ങൾ കുറവായിരുന്നെന്ന് മാതാപിതാക്കൾ പറയുന്നു. ആരോടും അധികം സംസാരിക്കുന്ന ശീലവുമില്ല.
ടാക്സ് കൺസൾട്ടന്‍റുമാരാണ് ആന്‍റണിയും സിമിയും. ഇളയ മകൻ എഫ്രായിം എട്ടാം ക്ലാസ് വിദ്യാർഥിയാണ്. പോലീസിന്‍റെ ഭാഗത്തുനിന്ന് കൂടുതൽ ഊർജിതമായ അന്വേഷണം ഉണ്ടാകുമെന്നും ആദം വൈകാതെ മടങ്ങിയെത്തുമെന്നുമുള്ള പ്രതീക്ഷയിലാണ് ഈ കുടുംബം.