മനോരമ ഹോർത്തൂസ് മുഖ്യമന്ത്രി ഉദ്ഘാടനം ചെയ്യും
Monday, October 28, 2024 11:45 PM IST
കോഴിക്കോട്: മലയാള മനോരമ സംഘടിപ്പിക്കുന്ന കലാസാഹിത്യ സാംസ്കാരിക ഉത്സവമായ മനോരമ ഹോർത്തൂസ് 31ന് വൈകുന്നേരം നാലിന് കോഴിക്കോട് ബീച്ചിൽ മുഖ്യമന്ത്രി പിണറായി വിജയൻ ഉദ്ഘാടനം ചെയ്യും.
നവംബർ ഒന്നുമുതൽ മൂന്നുവരെയാണ് ഹോർത്തൂസ് നടക്കുകയെന്ന് സംഘാടകർ വാർത്താസമ്മേളനത്തിൽ അറിയിച്ചു.
കോഴിക്കോടിനെ സാഹിത്യനഗരമായി പ്രഖ്യാപിച്ചശേഷം നഗരത്തിൽ നടക്കുന്ന ആദ്യത്തെ മെഗാ സാംസ്കാരികോത്സവമാണിത്. രാജ്യത്തിനകത്തും പുറത്തുംനിന്ന് നാനൂറോളം പ്രതിനിധികൾ സംബന്ധിക്കും.
എട്ടു വേദികളിലായി 130ൽ അധികം സെഷനുകളിലാണ് പരിപാടി. ഫെസ്റ്റിവൽ ഡയറക്ടർ എൻ.എസ്. മാധവൻ, മേയർ ഡോ. ബീനാ ഫിലിപ്പ്, എഡിറ്റോറിയൽ ഡയറക്ടർ ജോസ് പനച്ചിപ്പുറം എന്നിവർ വാർത്താ സമ്മേളനത്തിൽ സംബന്ധിച്ചു.