ദീപാവലി വിത്ത് മൈ ഭാരതില്‍ പങ്കാളിയായി മോര്‍ണിംഗ് സ്റ്റാറും
1465264
Thursday, October 31, 2024 1:35 AM IST
അങ്കമാലി: മൈ ഭാരത് ഡിജിറ്റല്‍ പ്ലാറ്റ്‌ഫോമിന്റെ ഒന്നാം വാര്‍ഷിക ആഘോഷത്തിന്റെ ഭാഗമായി കേന്ദ്ര യുവജനകാര്യ മന്ത്രാലയത്തിന്റെ കീഴിലുള്ള എന്‍എസ്എസും, നെഹ്രു യുവകേന്ദ്രയും നടത്തിവരുന്ന ദീപാവലി വിത്ത് മൈ ഭാരത് പരിപാടികളില്‍ അങ്കമാലി മോര്‍ണിംഗ് സ്റ്റാര്‍ കോളജും പങ്കാളിയായി.
കോളജിലെ എന്‍എസ്എസ് യൂണിറ്റിന്‍റെ നേതൃത്വത്തില്‍ മൂന്നു ദിവസങ്ങളിലായാണ് പരിപാടികള്‍ സംഘടിപ്പിച്ചത്. അങ്കമാലി കെഎസ്ആര്‍ടിസി ബസ് സ്റ്റേഷനും മാര്‍ക്കറ്റ് പരിസരവും ശുചീകരിച്ചു. അങ്കമാലി താലൂക്ക് ആശുപത്രിയില്‍ രേഖകള്‍ തരം തിരിക്കല്‍ നടത്തി.
അങ്കമാലി ടെല്‍ക്ക് പരിസരത്ത് ട്രാഫിക് ബോധവത്കരണ ഫ്‌ളാഷ് മോബും സ്‌കിറ്റും സംഘടിപ്പിച്ചു. ഗതാഗത നിയന്ത്രണത്തിലും വിദ്യാര്‍ഥിനികള്‍ പങ്കാളികളായി. പ്രവര്‍ത്തനങ്ങള്‍ക്ക് എന്‍എസ്എസ് കോര്‍ഡിനേറ്റര്‍മാരായ ഡോ.നവ്യ ആന്‍റണിയും ഡോ. എം.ബി.രശ്മിയും നേതൃത്വം നല്കി.