പെ​രു​മ്പാ​വൂ​ർ: പ്രാ​യ​പൂ​ർ​ത്തി​യാ​കാ​ത്ത മൂ​ന്ന് ആ​ൺ​കു​ട്ടി​ക​ളെ ത​ട്ടി​ക്കൊ​ണ്ടു​പോ​യി ആ​ക്ര​മി​ച്ച കേ​സി​ൽ നാ​ല് പേ​ർ അ​റ​സ്റ്റി​ൽ. ആ​ലു​വ അ​ശോ​ക​പു​രം മ​ന​ക്ക​പ്പ​ടി കു​റ്റി​തെ​ക്കേ​തി​ൽ വി​ശാ​ൽ(35), എ​ട​ത്ത​ല കു​ഴു​വേ​ലി​പ്പ​ടി മോ​ച്ചാ​ൻ​കു​ളം കി​ഴ​ക്കേ​പ്പു​റം ന​സീ​ബ് നി​സാം(22), മ​ട്ടാ​ഞ്ചേ​രി​യി​ൽ താ​മ​സി​ക്കു​ന്ന പ​ത്തി​നം​തി​ട്ട റാ​ന്നി പു​ളി​മൂ​ട്ടി​ൽ അ​നീ​ഷ് കു​മാ​ർ(​മു​ഹ​മ്മ​ദ് അ​ൻ​സാ​രി 29 ), കു​ഴി​വേ​ലി​പ്പ​ടി മോ​ച്ചാ​ൻ​കു​ളം ചി​റ​മേ​ൽ​പ്പ​റ​മ്പി​ൽ ഷാ​ജ​ഹാ​ൻ (23) എ​ന്നി​വ​രെ​യാ​ണ് കു​റു​പ്പം​പ​ടി പോ​ലീ​സ് അ​റ​സ്റ്റ് ചെ​യ്ത​ത്.

21ന് ​രാ​ത്രി​യി​ൽ വ​ള​യ​ൻ​ചി​റ​ങ്ങ​ര​യി​ൽ നി​ന്നു​മാ​ണ് കു​ട്ടി​ക​ളെ ത​ട്ടി​ക്കൊ​ണ്ടു​പോ​യ​ത്. വി​ശാ​ലി​ൽ നി​ന്ന് കൗ​മാ​ര​ക്കാ​രി​ലൊ​രാ​ൾ 29,000 രൂ​പ വാ​ങ്ങി​യെ​ന്നും, തു​ക തി​രി​ച്ചു ന​ൽ​കാ​ത്ത​തി​ന്‍റെ വൈ​രാ​ഗ്യ​മാ​ണ് സം​ഭ​വ​ത്തി​ന് പി​ന്നി​ലെ​ന്നും പ്ര​തി പോ​ലീ​സി​നോ​ട് സ​മ്മ​തി​ച്ചു. വ​ള​യ​ൻ​ചി​റ​ങ്ങ​ര ഭാ​ഗ​ത്തു​നി​ന്ന കൗ​മാ​ര​ക്കാ​രെ ബൈ​ക്കി​ലെ​ത്തി​യ വി​ശാ​ൽ, ന​സീ​ബ് എ​ന്നി​വ​ർ ക​ത്തി​കാ​ണി​ച്ച് ഭീ​ഷ​ണി​പ്പെ​ടു​ത്തി ബൈ​ക്കി​ൽ ക​യ​റ്റി​ക്കൊ​ണ്ടു​പോ​വു​ക​യാ​യി​രു​ന്നു. ഇ​വ​രി​ലൊ​രാ​ളു​ടെ ബൈ​ക്കും കൊ​ണ്ടു​പോ​യി. തു​ട​ർ​ന്ന് ര​ണ്ടം​ഗ സം​ഘം ഇ​വ​രെ പോ​ഞ്ഞാ​ശേ​രി​യി​ലെ​ത്തി​ച്ചു. ശേ​ഷം അ​വി​ടെ നി​ന്ന് ഓ​ട്ടോ​യി​ൽ പൂ​ക്കാ​ട്ടു​പ​ടി​യി​ലു​ള്ള കു​ന്നി​ൻ മു​ക​ളി​ലെ ആ​ളൊ​ഴി​ഞ്ഞ കെ​ട്ടി​ട​ത്തി​ലെ​ത്തി​ച്ചാ​ണ് മ​ർ​ദ്ദി​ച്ച​ത്. തു​ട​ർ​ന്ന് മോ​ബൈ​ൽ ഫോ​ൺ വാ​ങ്ങി​യെ​ടു​ത്തു.

പു​ല​ർ​ച്ചെ കൗ​മാ​ര​ക്കാ​രി​ലൊ​രാ​ളെ അ​യാ​ളു​ടെ വീ​ട്ടി​ൽ കൊ​ണ്ടു​പോ​യി വീ​ട്ടി​ലു​ണ്ടാ​യി​രു​ന്ന ഇ​രു​ച​ക്ര​വാ​ഹ​ന​വും ത​ട്ടി​യെ​ടു​ത്തു. സം​ഭ​വം പു​റ​ത്ത് പ​റ​ഞ്ഞാ​ൽ കൊ​ല്ലു​മെ​ന്ന് ഭീ​ഷ​ണി​പ്പെ​ടു​ത്തു​ക​യും ചെ​യ്തു.

ജി​ല്ലാ പോ​ലീ​സ് മേ​ധാ​വി വൈ​ഭ​വ് സ​ക്സേ​ന​യു​ടെ മേ​ൽ​നോ​ട്ട​ത്തി​ൽ പ്ര​ത്യേ​ക ടീം ​രൂ​പീ​ക​രി​ച്ച് ന​ട​ത്തി​യ അ​ന്വേ​ഷ​ണ​ത്തി​ൽ പ്ര​തി​ക​ൾ പി​ടി​യി​ലാ​വു​ക​യാ​യി​രു​ന്നു.