രാ​ജാ​ക്കാ​ട്: നി​ന​ച്ചി​രി​ക്കാ​ത്ത നേ​ര​ത്തു​ണ്ടാ​യ ദു​ര​ന്തം ഒ​രു​നാ​ടി​നെ മു​ഴു​വ​ൻ നൊ​ന്പ​ര​ത്തി​ലാ​ഴ്ത്തി. കാ​യി​ക ലോ​ക​ത്തി​ന് ഏ​റെ സം​ഭാ​വ​ന​ക​ൾ ന​ൽ​കി​യ ഒ​ളി​ന്പ്യ​ൻ​മാ​രാ​യ കൊ​ന്പൊ​ടി​ഞ്ഞാ​ൽ ക​ല​യ​ത്തും​കു​ഴി കെ.​എം. ബീ​നാ​മോ​ൾ, കെ.​എം. ​ബി​നു എ​ന്നി​വ​രു​ടെ സ​ഹോ​ദ​രി റീ​ന, ഭ​ർ​ത്താ​വ് പ​ന്നി​യാ​ർ​കു​ട്ടി ഇ​ട​യോ​ടി​യി​ൽ ബോ​സ്, ബി​നു​വി​ന്‍റെ ഭാ​ര്യാ പി​താ​വ് ത​ത്തം​പി​ള്ളി​ൽ ഏ​ബ്ര​ഹാം (അ​വ​റാ​ച്ച​ൻ) എ​ന്നി​വ​രു​ടെ മ​ര​ണ​വാ​ർ​ത്ത അ​റി​ഞ്ഞ​പ്പോ​ൾ നാ​ട്ടു​കാ​ർ​ക്കും ബ​ന്ധു​ക്ക​ൾ​ക്കും സ​ങ്ക​ട​മ​ട​ക്കാ​നാ​യി​ല്ല.​ എ​ല്ലാ​വ​രു​മാ​യി ന​ല്ല സ്നേ​ഹ​ബ​ന്ധം ഉ​ണ്ടാ​യി​രു​ന്ന ഇ​വ​രു​ടെ വേ​ർ​പാ​ട് അ​റി​ഞ്ഞ​പ്പോ​ൾ ഉ​റ്റ​വ​ർ​ക്ക് വി​ശ്വ​സി​ക്കാ​ൻ​പോ​ലു​മാ​യി​ല്ല.

വെ​ള്ളി​യാ​ഴ്ച വൈ​കു​ന്നേ​രം ജോ​സ്ഗി​രി​യി​ലെ ബ​ന്ധുവീ​ട്ടി​ൽ പോ​യി മ​ട​ങ്ങും​വ​ഴി രാ​ത്രി 10.30-ഓ​ടെ അ​ന്പ​ല​ക്കു​ന്ന് റോ​ഡി​ലൂ​ടെ ഇ​വ​ർ സ​ഞ്ച​രി​ച്ചി​രു​ന്ന ജീ​പ്പ് പ​ന്നി​യാ​ർ​കു​ട്ടി പ​ള്ളി​ക്കു സ​മീ​പം കൊ​ക്ക​യി​ലേ​ക്ക് മ​റി​ഞ്ഞാ​യി​രു​ന്നു മൂ​വ​രു​ടേ​യും ജീ​വ​ൻ പൊ​ലി​ഞ്ഞ​ത്. ജ​ല അ​ഥോ​റി​ട്ടി ജീ​വ​ന​ക്കാ​ര​നാ​യി നേ​ര​ത്തേ സേ​വ​നം ചെ​യ്തി​രു​ന്ന അ​വ​റാ​ച്ച​ൻ വാ​ഹ​നം വ​ള​രെ ശ്ര​ദ്ധ​യോ​ടെ ഓ​ടി​ച്ചി​രു​ന്ന​യാ​ളാ​ണ്.

റോ​ഡ​രി​കി​ൽ കൂ​ട്ടി​യി​ട്ടി​രു​ന്ന ജ​ല​വി​ത​ര​ണ പൈ​പ്പു​ക​ളി​ൽ ക​യ​റി ജീ​പ്പ് നി​യ​ന്ത്ര​ണം വി​ട്ട് 100 അ​ടി താ​ഴ്ച​യു​ള്ള പു​ര​യി​ട​ത്തി​ലേ​ക്ക് മ​റി​യു​ക​യാ​യി​രു​ന്നു​വെ​ന്നാ​ണ് സൂ​ച​ന.

വി​വ​രം അ​റി​ഞ്ഞ് ഓ​ടി​ക്കൂ​ടി​യ നാ​ട്ടു​കാ​രാ​ണ് ആ​ദ്യം ര​ക്ഷാ​പ്ര​വ​ർ​ത്ത​നം ന​ട​ത്തി​യ​ത്. അ​പ​ക​ട സ്ഥ​ല​ത്തേ​ക്ക് ഏ​റെ സാ​ഹ​സി​ക​മാ​യാ​ണ് ഇ​വ​ർ എ​ത്തി​ച്ചേ​ർ​ന്ന​ത്. പൊ​ടി​യി​ൽ മു​ങ്ങി ര​ക്ത​ത്തി​ൽ കു​ളി​ച്ചു കി​ട​ന്ന​വ​രെ ആ​ദ്യം ര​ക്ഷാ​പ്ര​വ​ർ​ത്ത​ക​ർ​ക്ക് തി​രി​ച്ച​റി​യാ​നാ​യി​ല്ല. പാ​റ​ക്ക​ല്ലി​ന്‍റെ അ​ടി​യി​ൽ പ​രി​ക്കേ​റ്റു കി​ട​ന്ന റീ​ന​യെ ക​ല്ലു​നീ​ക്കി​യാ​ണ് പു​റ​ത്തെ​ടു​ത്ത​ത്.

ബ​ന്ധു​ക്ക​ളാ​യ അ​വ​റാ​ച്ച​നും ബോ​സും വ​ലി​യ സൗ​ഹൃ​ദ​ത്തി​ലാ​യി​രു​ന്നു. ഇ​വ​ർ ഒ​രു​മി​ച്ച് യാ​ത്ര ചെ​യ്യു​ന്ന​തും പ​തി​വാ​യി​രു​ന്നു. പ്ര​ള​യ​ത്തി​ൽ മ​ണ്ണി​ടി​ഞ്ഞ് വീ​ട് ന​ഷ്ട​പ്പെ​ട്ട​തി​നെ തു​ട​ർ​ന്നു ക​ഠി​നാ​ധ്വാ​നി​യാ​യ ബോ​സ് പ​ന്നി​യാ​ർ​കു​ട്ടി പാ​ല​ത്തി​നു സ​മീ​പം പു​തി​യ വീ​ട് നി​ർ​മി​ച്ച് താ​മ​സം തു​ട​ങ്ങി​യി​ട്ട് ഏ​റെ​നാ​ളു​ക​ളാ​യി​ല്ല. ബോ​സി​ന്‍റെ മൂ​ത്ത​മ​ക​ൾ ആ​നി യുകെ​യി​ലും ര​ണ്ടാ​മ​ത്തെ മ​ക​ൾ മ​രി​യ​ൻ കൊ​ച്ചി ആ​സ്റ്റ​ർ മെ​ഡി​സി​റ്റി​യി​ലു​മാ​ണ് ജോ​ലി​ചെ​യ്തു​വ​രു​ന്ന​ത്. കാ​യി​ക​താ​ര​മാ​യ മൂ​ന്നാ​മ​ത്തെ മ​ക​ൾ അ​ബി​യ ത​ല​ശേ​രി സാ​യി​യി​ലാ​ണ് പ​ഠ​നം. 2018-ലെ​മ​ഹാ​പ്ര​ള​യ​ത്തെ തു​ട​ർ​ന്നു പ​ന്നി​യാ​ർ​കു​ട്ടി​യി​ൽ വ​ൻ മ​ണ്ണി​ടി​ച്ചി​ലു​ണ്ടാ​കു​ക​യും ഇ​വ​രു​ടെ വീ​ടും കൃ​ഷി​ദേ​ഹ​ണ്ഡ​ങ്ങ​ളും ഒ​ലി​ച്ചു​പോ​കു​ക​യും ചെ​യ്തി​രു​ന്നു. അ​ന്ന് ത​റ​വാ​ട്ടി​ൽ അ​ഭ​യം തേ​ടി​യ കു​ടും​ബം വ​ൻ ദു​ര​ന്ത​ത്തി​ൽ നി​ന്നും ത​ല​നാ​രി​ഴ​യ്ക്കാ​ണ് ര​ക്ഷ​പ്പെ​ട്ട​ത്.​

അ​ടി​മാ​ലി പ​ള്ള​ത്തു​കു​ടി ഓ​മ​ന​യാ​ണ് അ​വ​റാ​ച്ച​ന്‍റെ ഭാ​ര്യ. മൂ​ത്ത മ​ക​ൾ നീ​തു​വി​നെ​യാ​ണ് കൊ​ച്ചി​ൻ ക​സ്റ്റം​സ് ഓ​ഫീ​സ​റാ​യ ഒ​ളി​ന്പ്യ​ൻ കെ.​എം.​ ബി​നു വി​വാ​ഹം ക​ഴി​ച്ചി​രി​ക്കു​ന്ന​ത്. പ​ഞ്ചാ​ബി​ലെ ജ​ല​ന്ധ​റി​ൽ മെ​ക്കാ​നി​ക്ക​ൽ എ​ൻ​ജി​നി​യ​റാ​യ ആ​ന​ന്ദ്, അ​ശ്വ​തി എ​ന്നി​വ​രാ​ണ് മ​റ്റു​മ​ക്ക​ൾ. ആ​ന​ന്ദി​ന്‍റെ ഭാ​ര്യ ജ്യോ​തി​സ്. അ​ശ്വ​തി​യും ഭ​ർ​ത്താ​വ് ജോ​മോ​നും ന്യൂ​സി​ല​ൻ​ഡി​ലാ​ണ്. മൃ​ത​ദേ​ഹ​ങ്ങ​ൾ ഇ​ന്നു വൈ​കു​ന്നേ​രം നാ​ലി​ന് വീ​ടു​ക​ളി​ലെ​ത്തി​ക്കും. നാ​ളെ രാ​വി​ലെ പ​ത്തി​ന് ഇ​ടു​ക്കി ബി​ഷ​പ് മാ​ർ ​ജോ​ണ്‍ നെ​ല്ലി​ക്കു​ന്നേ​ലി​ന്‍റെ മു​ഖ്യ​കാ​ർ​മി​ക​ത്വ​ത്തി​ൽ പ​ന്നി​യാ​ർ​കു​ട്ടി സെ​ന്‍റ് മേ​രീ​സ് പ​ള്ളി​യി​ൽ സം​സ്കാ​രം ന​ട​ത്തും.