ചെ​റു​തോ​ണി: കെഎ​സ്ഇബിയി​ൽ ലോ​ഡ് ഇ​റ​ക്കു​ന്ന​തി​നി​ടെ കേ​ബി​ള്‍ ചു​റ്റി​യ റോ​ൾ കാ​ലി​ൽ വീ​ണ് ഗു​രു​ത​ര​മാ​യി പ​രി​ക്കേ​റ്റ ഓ​ട്ടോ​റി​ക്ഷാ തൊ​ഴി​ലാ​ളി​ ചെ​റു​തോ​ണി തൊ​ടു​ക​യി​ല്‍ ര​മേ​ശ​(56)ന്‍റെ ചി​കി​ത്സ​യ്ക്കുള്ള പ​ണം ക​ണ്ടെ​ത്താ​ൻ നാ​ട് കൈ​കോ​ർ​ക്കു​ന്നു.

ചി​കി​ത്സാ സ​ഹാ​യ നി​ധി സ്വ​രൂ​പി​ക്കാ​നാ​യി ജ​ന​കീ​യ ക​മ്മി​റ്റി രൂ​പീ​ക​രി​ച്ചാ​ണ് ധ​ന​സ​മാ​ഹ​ര​ണം ന​ട​ത്തു​ന്ന​ത്. രാ​ജ​ഗി​രി​യി​ലെ സ്വ​കാ​ര്യാ​ശു​പ​ത്രി​യി​ൽ ക​ഴി​യു​ന്ന ര​മേ​ശന്‍റെ ചി​കി​ത്സ​യ്ക്ക് ല​ക്ഷ​ക്ക​ണ​ക്കി​ന് രൂ​പ​ വേണം. ര​ണ്ടു കാ​ലി​നും ഗു​രു​ത​ര​മാ​യി പ​രി​ക്കേ​റ്റ ര​മേ​ശന് ഇ​തു​വ​രെ നി​ര​വ​ധി സ​ർ​ജ​റി​ക​ള്‍ ന​ട​ന്നു. ഞ​ര​മ്പ്, മ​സി​ല്‍ എ​ന്നി​വ ശ​രി​യാ​കു​ന്ന​തി​ന് മേ​ജ​ർ സ​ർ​ജ​റി​ക​ൾ വേ​ണ​മെ​ന്നാ​ണ് ഡോ​ക്ട​ര്‍​മാ​ർ പ​റ​ഞ്ഞി​രി​ക്കു​ന്ന​ത്. അ​ടി​യ​ന്ത​ര​മാ​യി 15 ല​ക്ഷം രൂ​പ​കൂ​ടി ആ​വ​ശ്യ​മാ​ണ്.

ഷീ​റ്റു​ മേ​ഞ്ഞ ഒ​രു വീ​ടു​ മാ​ത്ര​മു​ള്ള ര​മേ​ശ​ന്‍ ഓ​ട്ടോ​റി​ക്ഷ ഓ​ടി​ച്ചും ഒ​ഴി​വു​സ​മ​യ​ങ്ങ​ളി​ല്‍ ലോ​ഡ് ഇ​റ​ക്കി​യു​മാ​ണ് കു​ടു​ബം പു​ല​ര്‍​ത്തി​യി​രു​ന്ന​ത്. ഇ​തു​വ​രെ സു​മ​ന​സു​ക​ള്‍ സ​ഹാ​യി​ച്ചാ​ണ് ചി​കി​ത്സ ന​ട​ത്തി​യ​ത്. നി​ല​വി​ല്‍ ആ​ശു​പ​ത്രി​യി​ല്‍ ക​ടം​പ​റ​ഞ്ഞാ​ണ് ചി​കി​ത്സ തു​ട​രു​ന്ന​ത്.

ശ​സ്ത്ര​ക്രി​യ ഉ​ട​ന്‍ ത​ന്നെ ന​ട​ത്ത​ണം. ഇ​തി​നു പ​ണം ക​ണ്ടെ​ത്തു​ന്ന​തി​ന് രാ​ഷ്‌ട്രീയ-സാ​മു​ദാ​യ- സം​ഘ​ട​ന​ക​ള്‍, ഓ​ട്ടോ - ടാ​ക്സി തൊ​ഴി​ലാ​ളി​ക​ള്‍, വ്യാ​പാ​രി​ക​ള്‍ എ​ന്നി​വ​രു​ടെ നേ​തൃ​ത്വ​ത്തി​ല്‍ ധ​ന​സ​മാ​ഹ​ര​ണം ന​ട​ത്തി​വ​രി​ക​യാ​ണ്.

വാ​ഴ​ത്തോ​പ്പ് പ​ഞ്ചാ​യ​ത്തു പ്ര​സി​ഡ​ന്‍റ് ജോ​ര്‍​ജ് പോ​ള്‍ ചെ​യ​ര്‍​മാ​നാ​യും പ​ഞ്ചാ​യ​ത്തം​ഗം ടി​ന്‍റു സു​ബാ​ഷ് ക​ണ്‍​വീ​ന​റു​മാ​യി ചി​കി​ത്സാ സ​ഹാ​യ നി​ധി ക​ന​റ ബാ​ങ്ക് ചെ​റു​തോ​ണി ശാ​ഖ​യി​ൽ 110227486256, ഐ​ഫ്എ​സ്‌സി CNRB0007443 ​ന​ന്പ​രാ​യി അ​ക്കൗ​ണ്ട് തു​ട​ങ്ങി​യി​ട്ടു​ണ്ട്. ര​മേ​ശ​ന്‍റെ ചി​കി​ത്സാ​ച്ചെ​ല​വി​നാ​യി ക​ഴി​വുള്ളവ​ര്‍ സ​ഹാ​യി​ക്ക​ണ​മെ​ന്ന് ഭാ​ര​വാ​ഹി​ക​ളാ​വ​ശ്യ​പ്പെ​ട്ടു.