ഞാ​യ​റാ​ഴ്ച രാ​ത്രി സ​ർ​വീ​സ് ന​ട​ത്തി​യ​ത്
വി​വാ​ദ​മാ​യി

മൂ​ന്നാ​ർ: മു​ൻവ​ശ​ത്തെ ചി​ല്ല് ത​ക​ർ​ന്ന​തോ​ടെ മൂ​ന്നാ​റി​ൽ ദി​വ​സ​ങ്ങ​ൾ​ക്കു മു​ന്പ് ആ​രം​ഭി​ച്ച കെഎസ്ആ​ർ​ടി​സി​യു​ടെ റോ​യ​ൽ വ്യു ​ഡ​ബി​ൾ ഡെ​ക്ക​ർ ബ​സ് സ​ർ​വീ​സ് മു​ട​ങ്ങി. ചൊ​വ്വാ​ഴ്ച ട്രി​പ്പി​നു ശേ​ഷം വാ​ഹ​നം മെ​ക്കാ​നി​ക്ക​ൽ ഗാ​രേ​ജി​ൽ ക​യ​റ്റു​ന്ന​തി​നിടെയാണ് ചി​ല്ല് ത​ക​ർ​ന്ന​ത്. അ​പ്പ​ർ ഡെ​ക്കി​ലെ മു​ൻ വ​ശ​ത്തു​ള്ള ചി​ല്ലാ​ണ് ത​ക​ർ​ന്ന​ത്. ഇ​തോ​ടെ ബു​ധ​നാ​ഴ്ച ന​ട​ത്തേ​ണ്ട സ​ർ​വീ​സു​ക​ൾ ന​ട​ത്താ​നാ​യി​ല്ല.

ഒ​രു ദി​വ​സം അ​ര ല​ക്ഷ​ത്തില​ധി​കം രൂ​പ വ​രു​മാ​നമു​ള്ള ബ​സ് സ​ർ​വീ​സ് മു​ട​ങ്ങി​യ​ത് അ​ധി​കൃ​ത​ർ ഗൗ​ര​വ​മാ​യി എ​ടു​ത്തി​ട്ടു​ണ്ട്. തു​ട​ക്കം മു​ത​ൽ വി​വാ​ദ​ങ്ങ​ളി​ൽ പ്പെട്ട ബ​സി​നു സം​ഭ​വി​ച്ച കേ​ടു​പാ​ടു​ക​ളി​ൽ അ​ന്വേ​ഷ​ണം ന​ട​ത്താ​ൻ ഗ​താ​ഗ​ത മ​ന്ത്രി ഉ​ത്ത​ര​വി​ട്ടി​ട്ടു​ണ്ട്.

ബ​സി​ന്‍റെ ഉ​ദ്ഘാ​ട​ന വേ​ള​യി​ൽ എ​ത്തി​യ മ​ന്ത്രി​യെ മൂ​ന്നാ​റി​ലെ ഒ​രു വി​ഭാ​ഗം ഡ്രൈ​വ​ർ​മാ​ർ ക​രി​ങ്കൊ​ടി കാ​ട്ടി​യി​രു​ന്നു. ത​ങ്ങ​ളു​ടെ ഉ​പ​ജീ​വ​ന മാ​ർ​ഗ​ം ഇ​ല്ലാ​താ​ക്കു​ന്നു എ​ന്ന ആ​രോ​പിച്ചായി​രു​ന്നു പ്ര​തി​ഷേ​ധം. ഇ​തേത്തു​ട​ർ​ന്ന് മൂ​ന്നാ​റി​ൽ ഓ​ടു​ന്ന ടാ​ക്സി വാ​ഹ​ന​ങ്ങ​ളു​ടെ രേ​ഖ​ക​ൾ പ​രി​ശോ​ധി​ക്കാ​ൻ മ​ന്ത്രി ഉ​ത്ത​ര​വു ന​ൽ​കി. ഒ​രാ​ഴ്ച​യ്ക്കി​ടെ മോ​ട്ടോ​ർ വാ​ഹ​ന വ​കു​പ്പ് ഉ​ദ്യോ​ഗ​സ്ഥ​ർ ന​ട​ത്തി​യ പ​രി​ശോ​ധ​ന​യി​ൽ പ​ത്തു ല​ക്ഷം രൂ​പ​യോ​ള​മാ​ണ് പി​ഴ ഇ​ന​ത്തി​ൽ ഈ​ടാ​ക്കി​യ​ത്.

കോ​ട​തി​യു​ടെ നി​ർ​ദേശം ഉ​ള്ള​തി​നാ​ൽ ബ​സി​നു​ള്ളി​ൽ ഘ​ടി​പ്പി​ച്ചി​ട്ടു​ള്ള അ​ല​ങ്കാ​ര വൈ​ദ്യു​ത ലൈ​റ്റു​ക​ൾ തെ​ളി​ക്കി​ല്ലെ​ന്നും രാ​ത്രികാ​ല സ​ർ​വീ​സ് ന​ട​ത്തി​ല്ലെ​ന്നും മ​ന്ത്രി ഉ​ദ്ഘാ​ട​നവേ​ള​യി​ൽ പ​റ​ഞ്ഞി​രു​ന്നു. എ​ന്നാ​ൽ, ഇ​തു ലം​ഘി​ച്ച് ബ​സ് ഞാ​യ​റാ​ഴ്ച രാ​ത്രി സ​ർ​വീ​സ് ന​ട​ത്തി​യ​ത് വി​വാ​ദ​മാ​യി​രി​ക്കു​ക​യാ​ണ്.