ചെ​റു​തോ​ണി: പ്ര​മേ​ഹ രോ​ഗം ബാ​ധി​ച്ച് വ​ല​തു കാ​ൽ മു​റി​ച്ച അ​വ​സ്ഥ​യി​ൽ സം​ര​ക്ഷി​ക്കു​വാ​ൻ ആ​രു​മി​ല്ലാ​തെ മു​രി​ക്കാ​ശേ​രി സ്നേ​ഹ മ​ന്ദി​ര​ത്തി​ൽ ക​ഴി​ഞ്ഞി​രു​ന്ന ക​ഞ്ഞി​ക്കു​ഴി ചേ​ല​ച്ചു​വ​ട് സ്വ​ദേ​ശി ഉ​ഷാ​കു​മാ​രി​ക്ക് ഇ​നി പ​രാ​ശ്ര​യ​മി​ല്ലാ​തെ സ്വ​ന്തം വീ​ട്ടി​ൽ ക​ഴി​യാം.

മു​ൻ ജി​ല്ലാ ക​ള​ക്ട​ർ ഷീ​ബ ജോ​ർ​ജി​ന്‍റെ ശി​പാ​ർ​ശ​പ്ര​കാ​രം പ്ര​ദേ​ശ​വാ​സി​ക​ളു​ടെ നേ​തൃ​ത്വ​ത്തി​ൽ സ്നേ​ഹ​മ​ന്ദി​ര​ത്തി​ലെ​ത്തി​ച്ച​താ​ണ് ഉ​ഷാ​കു​മാ​രി​യെ. പ​ര​സ​ഹാ​യ​മി​ല്ലാ​തെ ജീ​വി​ക്കാ​നാ​വാ​ത്ത അ​വ​സ്ഥ​യി​ലാ​ണ് ഇ​വ​ർ സ്നേ​ഹ​മ​ന്ദി​ര​ത്തി​ലെ​ത്തി​യ​ത്. മു​ഴു​വ​ൻ സ​മ​യ​വും വീ​ൽ​ചെ​യ​റി​ൽ ത​ന്നെ​യാ​യി​രു​ന്നു ഉ​ഷാ​കു​മാ​രി​യു​ടെ സ്നേ​ഹ​മ​ന്ദി​ര​ത്തി​ലെ ജീ​വി​തം. കു​റേക്കാല​ത്തെ ചി​കി​ത്സ​യി​ലൂ​ടെ​യും പ​രി​ശ്ര​മ​ത്തി​ലൂ​ടെ​യും ഉ​ഷാ​കു​മാ​രി​യു​ടെ ആ​രോ​ഗ്യ​നി​ല മെ​ച്ച​പ്പെ​ട്ടു.

സ്നേ​ഹ​മ​ന്ദി​രം ഡ​യ​റ​ക്ട​ർ വി.​സി.​ രാ​ജു ഒ​രു സ​ന്ന​ദ്ധ സം​ഘ​ട​ന​യു​മാ​യി ബ​ന്ധ​പ്പെ​ട്ട് ര​ണ്ട​ര ല​ക്ഷ​ത്തോ​ളം രൂ​പ ചെ​ല​വുവ​രു​ന്ന ഒ​രു കൃ​ത്രി​മ കാ​ൽ സം​ഘ​ടി​പ്പി​ച്ചു ന​ൽ​കി. വ​ല​തുകാ​ലി​ന്‍റെ സ്ഥാ​ന​ത്ത് കൃ​ത്രി​മ കാ​ൽ ല​ഭി​ച്ച​തോ​ടെ നി​ര​ന്ത​ര​മാ​യ പ​രി​ശീ​ല​ന​ത്താ​ൽ ന​ട​ക്കു​വാ​ൻ തു​ട​ങ്ങി. പ​രാ​ശ്ര​യ​മി​ല്ലാ​തെ ജീ​വി​ക്കാ​മെ​ന്നു ബോ​ധ്യ​മാ​യ​പ്പോ​ൾ ഉ​ഷാ​കു​മാ​രി ക​ഞ്ഞി​ക്കു​ഴി​യി​ലു​ള്ള ഇ​വ​രു​ടെ വീ​ട്ടി​ലേ​ക്കു പോ​ക​ണ​മെ​ന്ന ആ​ഗ്ര​ഹം സ്നേ​ഹ​മ​ന്ദി​രം അ​ധി​കൃ​ത​രെ അ​റി​യി​ച്ചു. തു​ട​ർ​ന്ന് ഇ​വ​രു​ടെ അ​ക​ന്ന ബ​ന്ധു​വാ​യ റെ​ജി ക​ള​രി​ക്ക​ലി​ന്‍റെ ഉ​ത്ത​ര​വാ​ദി​ത്വ​ത്തി​ൽ ഉ​ഷാ​കു​മാ​രി​യെ സ്വ​ന്തം വീ​ട്ടി​ലേ​ക്കു കൊ​ണ്ടു​പോ​വു​ക​യാ​യി​രു​ന്നു.