പ​ത്ത​നാ​പു​രം: കൃ​ത്യ​മാ​യി ബി​ല്ല​ട​ച്ചി​ട്ടും വാ​ട്ട​ര്‍ അ​ഥോ​റി​റ്റി​യു​ടെ കു​ടി​വെ​ള്ള ക​ണ​ക്ഷ​നി​ല്‍ നി​ന്ന് ഒ​ന്ന​ര വ​ര്‍​ഷ​മാ​യി വെ​ള്ളം ല​ഭി​ക്കു​ന്നി​ല്ലെ​ന്ന പ​രാ​തി​യു​മാ​യി വീ​ട്ട​മ്മ അ​ദാ​ല​ത്തി​ല്‍. പ​ട്ടാ​ഴി വി​ല്ലേ​ജി​ലെ കാ​രി​ക്കു​ന്നി​ല്‍ വീ​ട്ടി​ല്‍ ഉ​ണ്ണി​കൃ​ഷ്ണ​ന്‍ നാ​യ​രു​ടെ ഭാ​ര്യ ഒ. ​മി​നി​യാ​ണ് 'ക​രു​ത​ലും കൈ​ത്താ​ങ്ങും' പ​ത്ത​നാ​പു​രം താ​ലൂ​ക്ക്ത​ല അ​ദാ​ല​ത്തി​ല്‍ പ​രാ​തി​യു​മാ​യെ​ത്തി​യ​ത്.

താ​മ​സി​ക്കു​ന്ന സ്ഥ​ല​ത്ത് പാ​റ​യാ​ണെ​ന്നും വീ​ട്ടി​ല്‍ കി​ണ​ര്‍ ഇ​ല്ലാ​ത്ത​തി​നാ​ല്‍ അ​യ​ല്‍ വീ​ടു​ക​ളി​ല്‍ നി​ന്നാ​ണ് വെ​ള്ളം ശേ​ഖ​രി​ക്കു​ന്ന​തെ​ന്നും പ​റ​ഞ്ഞു. മാ​സം 147 രൂ​പ​യു​ടെ ബി​ല്ല് ല​ഭി​ക്കു​ന്ന​താ​യും പ​രാ​തി ന​ല്‍​കി​യി​ട്ടും പ​രി​ഹാ​ര​മി​ല്ലെ​ന്നും മ​ന്ത്രി ജെ. ​ചി​ഞ്ചു​റാ​ണി​യെ അ​റി​യി​ച്ചു.

പ​രാ​തി പ​രി​ശോ​ധി​ക്കാ​ന്‍ വാ​ട്ട​ര്‍ അ​ഥോ​റി​റ്റി കൊ​ട്ടാ​ര​ക്ക​ര എ​ക്സി​ക്യൂ​ട്ടീ​വ് എ​ന്‍​ജി​നീ​യ​റെ ചു​മ​ത​ല​പ്പെ​ടു​ത്തി​യ മ​ന്ത്രി, ഈ​ടാ​ക്കി​യ ബി​ല്‍​തു​ക തി​രി​കെ ന​ല്‍​കാ​ൻ നി​ര്‍​ദേ​ശി​ച്ചു.