അടിയന്തര പ്രാധാന്യമുള്ള വിഷയങ്ങളില്‍ പരിഹാരം ഉണ്ടാക്കും: മന്ത്രി ജെ. ചിഞ്ചുറാണി
1493492
Wednesday, January 8, 2025 6:21 AM IST
കൊല്ലം: അടിയന്തര പ്രാധാന്യം അര്‍ഹിക്കുന്ന വിഷയങ്ങളില്‍ പരിഹാര നിര്‍ദേശങ്ങള്‍ നല്‍കുകയാണ് അദാലത്തുകളുടെ ലക്ഷ്യമെന്ന് മന്ത്രി ജെ. ചിഞ്ചുറാണി. കരുനാഗപ്പള്ളി താലൂക്ക്തല അദാലത്ത് ലോര്‍ഡ്‌സ് പബ്ലിക് സ്‌കൂളില്‍ ഉദ്ഘാടനം ചെയ്ത് പ്രസംഗിക്കുകയായിരുന്നു മന്ത്രി. അദാലത്തില്‍ പരിഗണിക്കാന്‍ കഴിയാത്ത വിഷയങ്ങളില്‍ നിശ്ചിത സമയത്തിനുള്ളിൽ പരിഹാരമുണ്ടാക്കുമെന്ന് മന്ത്രി പറഞ്ഞു.
മുന്‍ഗണന റേഷന്‍ കാര്‍ഡ് വിഭാഗത്തിലേക്ക് മാറ്റിയ 75 റേഷന്‍ കാര്‍ഡുകള്‍ വിതരണം ചെയ്തു. 348 പരാതികളാണ് ഓണ്‍ലൈനായി ലഭിച്ചത്. സി.ആര്‍. മഹേഷ് എംഎല്‍എ അധ്യക്ഷനായി. എംഎല്‍എമാരായ ഡോ. സുജിത് വിജയന്‍പിള്ള, കോവൂര്‍ കുഞ്ഞുമോന്‍, ജില്ലാ പഞ്ചായത്ത് സ്റ്റാന്‍ഡിംഗ് കമ്മിറ്റി ചെയര്‍മാന്‍ അനില്‍ എസ്. കല്ലേലിഭാഗം,
കരുനാഗപ്പള്ളി മുനിസിപ്പാലിറ്റി ചെയര്‍മാന്‍ പടിപ്പുര ലത്തീഫ്, ബ്ലോക്ക് പഞ്ചായത്ത് പ്രസിഡന്‍റുമാരായ സന്തോഷ് തുപ്പാശേരില്‍, ഗീത കുമാരി, സബ് കളക്ടര്‍ നിഷാന്ത് സിഹാര, പഞ്ചായത്ത് പ്രസിഡന്‍റുമാരായ മിനിമോള്‍ നിസാം, ബിന്ദു വിജയകുമാര്‍, ഒ. മിനിമോള്‍, ബി. ശ്രീദേവി, തങ്കച്ചി പ്രഭാകരന്‍, എസ്. സിന്ധു, വി. സദാശിവന്‍, കെ. രാജീവന്‍, ഐ. ജയചിത്ര, എഡിഎം ജി. നിര്‍മല്‍കുമാര്‍ തുടങ്ങിയവര്‍ പങ്കെടുത്തു.