കു​ള​ത്തൂ​പ്പു​ഴ: അ​ന്ത​ര്‍​സം​സ്ഥാ​ന പാ​ത​യോ​ര​ത്തെ ക​രി​യി​ല​ക​ള്‍ കൂ​ട്ടി​യി​ട്ട് തീ​യി​ട്ട​തി​നെ തു​ട​ര്‍​ന്ന് വ​ള്ളി​പ്പ​ട​ര്‍​പ്പി​ലൂ​ടെ പ​ട​ര്‍​ന്ന തീ ​വ​ന്‍​മ​ര​ത്തി​ന് മു​ക​ളി​ലേ​ക്ക് ക​ത്തി​പ്പി​ടി​ച്ചു. തി​രു​വ​ന​ന്ത​പു​രം -ചെ​ങ്കോ​ട്ട അ​ന്ത​ര്‍​സം​സ്ഥാ​ന പാ​ത​യി​ല്‍ മ​ണി​ക്കൂ​റോ​ളം ഗ​താ​ഗ​തം ത​ട​സ​പ്പെ​ട്ടു. ക​ഴി​ഞ്ഞ ദി​വ​സം കു​ള​ത്തൂ​പ്പു​ഴ - തെ​ന്മ​ല പാ​ത​യി​ല്‍ അ​യ്യ​ന്‍​പി​ള്ള വ​ള​വ് അ​മ്മ​ന്‍​കോ​വി​ല്‍ ക്ഷേ​ത്ര​ത്തി​നു സ​മീ​പം നി​ന്നി​രു​ന്ന വ​ന്‍ ചീ​നി​മ​ര​ത്തി​ലാ​ണ് തീ ​പ​ട​ര്‍​ന്ന​ത്.

രാ​ത്രി എ​ട്ടോ​ടെ വൈ​ദ്യു​തി ലൈ​നു​ക​ള്‍​ക്ക് പ​ത്ത​ടി​യോ​ളം മു​ക​ളി​ലാ​യി ഉ​യ​ര്‍​ന്നു നി​ല്‍​ക്കു​ന്ന മ​ര​ത്തി​ല്‍ തീ ​പ​ട​ര്‍​ന്നു പി​ടി​ക്കു​ന്ന​ത് സ​മീ​പ വാ​സി​ക​ളു​ടെ ശ്ര​ദ്ധ​യി​ല്‍​പെ​ട്ട​ത്.

നാ​ട്ടു​കാ​ർ കു​ള​ത്തൂ​പ്പു​ഴ പോ​ലീ​സി​ലും അ​ഗ്നി​ര​ക്ഷാ വി​ഭാ​ഗ​ത്തെ​യും വി​വ​ര​മ​റി​യി​ച്ചു. ഇ​തി​നി​ടെ ശ​ക്ത​മാ​യി കാ​റ്റു വീ​ശി​യ​തോ​ടെ മ​ര​ത്തി​ന്‍റെ ശി​ഖ​ര​ങ്ങ​ളി​ലേ​ക്കും തീ ​പ​ട​രു​ന്ന​തി​നി​ട​യാ​ക്കി. മ​ര​ത്തി​നു മു​ക​ളി​ലേ​ക്ക് തീ ​പ​ട​ര്‍​ന്ന​തോ​ടെ നാ​ട്ടു​കാ​ര്‍ ഇ​ട​പെ​ട്ട് പാ​ത​യി​ല്‍ വാ​ഹ​ന​ങ്ങ​ളെ നി​യ​ന്ത്രി​ക്കു​ക​യും ചെ​യ്തു.

ക​ട​ക്ക​ല്‍, പു​ന​ലൂ​ര്‍ എ​ന്നി​വി​ട​ങ്ങി​ളി​ല്‍ നി​ന്നു​മെ​ത്തി​യ അ​ഗ്നി​ര​ക്ഷാ സം​ഘം ഏ​റെ നേ​രം നീ​ണ്ട പ​രി​ശ്ര​മ​ത്തി​നൊ​ടു​വി​ല്‍ തീ ​അ​ണ​യ്ക്കു​ക​യും പാ​ത​യി​ലെ ഗ​താ​ഗ​തം പു​നഃ സ്ഥാ​പി​ക്കു​ക​യും ചെ​യ്തു. ശ​ബ​രി​മ​ല തീ​ർ​ഥാ​ട​ക​ർ അ​ട​ക്ക​മു​ള്ള യാ​ത്രി​ക​ര്‍ വ​ഴി​യി​ല്‍ കു​ടു​ങ്ങി.

നി​ല​വി​ല്‍ ചു​വ​ടു ദ്ര​വി​ച്ചു നി​ല്‍​ക്കു​ന്ന മ​രം സ​മീ​പ​വാ​സി​ക​ള്‍​ക്കും വ​ഴി​യാ​ത്ര​ക്കാ​ര്‍​ക്കും ഭീ​ഷ​ണി​യാ​ണെ​ന്നും അ​ടി​യ​ന്ത​ര​മാ​യി മ​രം മു​റി​ച്ചു മാ​റ്റു​ന്ന​തി​നു​ള​ള ന​ട​പ​ടി​ക​ള്‍ അ​ധി​കൃ​ത​രു​ടെ ഭാ​ഗ​ത്തു നി​ന്നു​ണ്ടാ​ക​ണ​മെ​ന്നും നാ​ട്ടു​കാ​ര്‍ ആ​വ​ശ്യ​പ്പെ​ട്ടു.