മാന്‍വെട്ടം ഫാര്‍മേഴ്സ് പ്രൊഡ്യൂസര് കമ്പനിയുടെ വാര്‍ഷിക പൊതുയോഗം
1479554
Saturday, November 16, 2024 7:26 AM IST
മാന്‍വെട്ടം: ഫാര്‍മേഴ്സ് പ്രൊഡ്യൂസര് കമ്പനിയുടെ വാര്‍ഷിക പൊതുയോഗം നടന്നു. മാന്‍വെട്ടം കള്‍ച്ചറല്‍ സെന്‍ററില്‍ സെന്‍റ് ജോര്‍ജ് പള്ളി വികാരി ഫാ.സൈറസ് വേലമ്പറമ്പിലിന്‍റെ അധ്യക്ഷതയില്‍ നടന്ന പൊതുയോഗം നമ്പാര്‍ഡ് കോട്ടയം ഡിഡിഎം റെജി വര്‍ഗീസ് ഉദ്ഘാടനം ചെയ്തു.
പാലാ രൂപത പിഎസ്ഡബ്ല്യൂഎസ് ഡയറക്ടര്‍ ഫാ.തോമസ് കിഴക്കേല്‍ കമ്പനിയുടെ ലാഭവിഹിത വിതരണോത്ഘാടനവും കോട്ടയം പ്രിന്‍സിപ്പല്‍ കൃഷി ഓഫീസര്‍ ജോ ജോസഫ് ഇഎസ്‌ഐ അംഗത്വ സര്‍ട്ടിഫിക്കറ്റ് വിതരണോദ്ഘാടനവും നിര്‍വഹിച്ചു. റെജി വര്‍ഗീസ് ഉത്പന്ന കവര്‍ റിലീസിംഗും ഫാ.സൈറസ് വേലമ്പറമ്പില്‍ ഷെയര്‍ സര്‍ട്ടിഫിക്കറ്റ് വിതരണോദ്ഘാടനവും നടത്തി.
കമ്പനി സിഇഒ വീണ റിപ്പോര്‍ട്ട് അവതരിപ്പിച്ചു. ഫാ.ജോസഫ് ചൂരക്കല്‍, സി.എം. ജോര്‍ജ്, ജോസ് ജോളി, സെബിന്‍, കുര്യന്‍ ജോസഫ്, വി.ജെ. പീറ്റര്‍, സാലിമ്മ ജോളി, ബെന്നി, ചാക്കോ എന്നിവര്‍ പ്രസംഗിച്ചു.