പാ​ലാ: ക​വീ​ക്കു​ന്ന്, മൂ​ന്നാ​നി, കൊ​ച്ചി​ട​പ്പാ​ടി മേ​ഖ​ല​ക​ളി​ല്‍ വൈ​ദ്യു​തി ത​ട​സം നാ​ട്ടു​കാ​രെ ബു​ദ്ധി​മു​ട്ടി​ലാ​ക്കി. ക​ഴി​ഞ്ഞ ദി​വ​സം വൈ​കു​ന്നേ​രമുണ്ടാ​യ മ​ഴ​യെ​ത്തു​ട​ര്‍​ന്നു വൈ​ദ്യു​തി ത​ക​രാ​റി​ലാ​യ​തി​നെ​ത്തു​ട​ര്‍​ന്നു വൈ​ദ്യു​തി വ​കു​പ്പ് ഈ ​മേ​ഖ​ല​യി​ലേ​യ്ക്കു​ള്ള വൈ​ദ്യു​തി വി​ത​ര​ണം നി​ര്‍​ത്തി​വ​ച്ചി​രു​ന്നു. തു​ട​ര്‍​ന്ന് ഇ​ന്ന​ലെ ഉ​ച്ച​യോ​ടെ​യാ​ണ് ത​ക​രാ​ര്‍ പ​രി​ഹ​രി​ക്കാ​ന്‍ അ​ധി​കൃ​ത​ര്‍ എ​ത്തി​യ​ത്.

നി​ല​വാ​ര​മി​ല്ലാ​ത്ത എ​ബി​സി കേ​ബി​ള്‍ സ്ഥാ​പി​ച്ച​തി​നെ​ത്തു​ട​ര്‍​ന്നു നി​ര​ന്ത​രം വൈ​ദ്യു​തി ത​ട​സപ്പെ​ടു​ക​യാ​ണ് ഈ ​മേ​ഖ​ല​യി​ലെ​ന്നു പ​രാ​തി​യു​ണ്ട്. മ​ഴ പെ​യ്യു​ക​യോ ചെ​റി​യ കാ​റ്റ് വീ​ശു​ക​യോ ചെ​യ്താ​ല്‍ വൈ​ദ്യു​തി ത​ട​സപ്പെ​ടു​ന്ന സ്ഥി​തിവി​ശേ​ഷം തു​ട​ങ്ങി​യി​ട്ട് നാ​ളു​ക​ളാ​യെ​ങ്കി​ലും പ​രി​ഹാ​രം അ​ക​ലെ​യാ​ണ്. ഇ​തു​മൂ​ലം ഇ​വി​ടത്തെ ജ​ന​ങ്ങ​ള്‍ ബു​ദ്ധി​മു​ട്ടു​ക​യാ​ണ്.

വൈ​ദ്യു​തി ത​ക​രാ​റു​ക​ള്‍ പ​രി​ഹ​രി​ക്കാ​നെ​ന്ന പേ​രി​ല്‍ വ​ര്‍​ഷ​ങ്ങ​ള്‍​ക്കു മു​മ്പാ​ണ് എ​ബിസി ​കേ​ബി​ള്‍ സ്ഥാ​പി​ച്ച​ത്. കേ​ബി​ള്‍ സ്ഥാ​പി​ക്കു​ന്ന​തി​ന് മു​മ്പു​ണ്ടാ​യി​രു​ന്ന വൈ​ദ്യു​തി ത​ട​സ​ങ്ങ​ളേ​ക്കാ​ള്‍ വ​ള​രെ കൂ​ടു​ത​ലാ​ണ് ഇ​പ്പോ​ഴ​ത്തെ ത​ട​സ​ങ്ങ​ള്‍. വൈ​ദ്യു​തി ത​ട​സം മു​മ്പ് പ​രി​ഹ​രി​ക്കു​ന്ന​തി​നേ​ക്കാ​ള്‍ സ​മ​യ​മെ​ടു​ത്താ​ണ് ഇ​പ്പോ​ള്‍ പ​രി​ഹ​രി​ക്കു​ന്ന​ത്.

വൈ​ദ്യു​തി ത​ട​സം മൂ​ലം വീ​ടു​ക​ളി​ലെ​യും വ്യാ​പാ​ര സ്ഥാ​പ​ന​ങ്ങ​ളി​ലെ​യും ഫ്രി​ഡ്ജു​ക​ളി​ലും മ​റ്റും സൂ​ക്ഷി​ച്ചുവ​യ്ക്കു​ന്ന മ​രു​ന്നു​ക​ള്‍, മ​ത്സ്യ, മാം​സ ഉ​ത്പ​ന്ന​ങ്ങ​ള്‍ മു​ത​ലാ​യ​വ ന​ശി​ച്ചു​പോ​കു​ന്ന സ്ഥി​തി വി​ശേ​ഷ​മാ​ണു​ള്ള​ത്.