75ലും ​തൃ​ശൂ​രി​ന് ചെ​റു​പ്പം; ഹാ​പ്പി ബ​ർ​ത്ത് ഡേ ​തൃ​ശൂ​ർ
Monday, July 1, 2024 12:25 AM IST
സ്വ​ന്തം ലേ​ഖ​ക​ൻ

തൃ​ശൂ​ർ: ജ​രാ​ന​ര​ക​ൾ തൊ​ട്ടു​തീ​ണ്ടാ​തെ ന​മ്മു​ടെ തൃ​ശൂ​രി​ന് ഇ​ന്ന് 75-ാം പി​റ​ന്നാ​ൾ. ഓ​രോ ജ​ന്മ​ദി​ന​ത്തി​ലും വി​ക​സ​ന​ത്തേ​രി​ൽ കു​തി​ക്കു​ന്പോ​ൾ യൗ​വ​ന​ത്തി​ള​പ്പി​ലാ​ണു ജി​ല്ല. പൂ​ര​വും പു​ലി​ക്ക​ളി​യും ബോ​ണ്‍ ന​ത്താ​ലെ​യും അ​ന്താ​രാ​ഷ്ട്ര നാ​ട​കോ​ത്സ​വ​വു​മെ​ല്ലാം ഓ​രോ​വ​ർ​ഷ​വും കേ​ര​ള​ത്തി​ന്‍റെ സാം​സ്കാ​രി​ക ത​ല​സ്ഥാ​ന​ത്തെ സു​ന്ദ​ര​മാ​ക്കു​ന്ന​തു കൊ​ണ്ടാ​കാം പ്രാ​യ​ത്തി​ന്‍റെ ചു​ളി​വു​ക​ൾ തൃ​ശൂ​രി​നെ തൊ​ട്ടു​തീ​ണ്ടാ​ത്ത​ത്.

1949 ജൂ​ലൈ ഒ​ന്നി​നാ​ണു തൃ​ശൂ​രി​ന്‍റെ പി​റ​വി. നീ​ണ്ട 75 വ​ർ​ഷ​ങ്ങ​ൾ​ക്കി​ടെ ച​രി​ത്ര​ത്തി​ൽ ഇ​ടം​നേ​ടി​യ എ​ത്ര​യോ സം​ഭ​വ​ങ്ങ​ൾ​ക്കു സാ​ക്ഷ്യം​വ​ഹി​ച്ചു ഈ ​നാ​ട്. ആ​ഘോ​ഷ​ങ്ങ​ൾ പൂ​ത്തു​ല​യു​ന്ന​തി​നൊ​പ്പം ക​ട​ന്നെ​ത്തി​യ മ​ഹാ​മാ​രി​യെ​യും തി​രി​ച്ച​ടി​ക​ളെ​യും സ​ധൈ​ര്യം നേ​രി​ട്ടു. എ​ല്ലാ​ത്തി​ലും മാ​തൃ​ക​യാ​യി ശ​ക്ത​ന്‍റെ ത​ട്ട​ക​പ്പെ​രു​മ ഉ​യ​ർ​ന്നു.

ഇ​ന്ത്യ​ൻ രാ​ഷ്ട്രീ​യ ഭൂ​മി​ക​യി​ൽ തൃ​ശൂ​ർ നി​ര​വ​ധി ച​രി​ത്ര​ങ്ങ​ൾ അ​ട​യാ​ള​പ്പെ​ടു​ത്തി. സം​സ്ഥാ​ന രാ​ഷ്ട്രീ​യ​ത്തി​ൽ ഇ​വി​ടെ​നി​ന്ന് ഉ​ദ​യം​കൊ​ണ്ട -പൊ​ളി​റ്റി​ക്ക​ൽ കിം​ഗ് മേ​ക്ക​ർ​മാ​ർ- നി​ര​വ​ധി. ലീ​ഡ​ർ എ​ന്ന കെ. ​ക​രു​ണാ​ക​ര​ന്‍റെ വ​ള​ർ​ച്ച​യും ത​ള​ർ​ച്ച​യും ഈ ​നാ​ട്ടി​ൽ​നി​ന്ന്. രാ​ജ​ൻ എ​ന്ന മ​ക​നെ​യോ​ർ​ത്ത് ഈ​ച്ച​ര വാ​രി​യ​രെ​ന്ന പി​താ​വു കാ​ല​ങ്ങ​ളോ​ളം ക​ണ്ണീ​രൊ​ഴു​ക്കി​യ​തും ഈ ​മ​ണ്ണി​ൽ​ത​ന്നെ. ഏ​റ്റ​വു​മൊ​ടു​വി​ൽ കേ​ര​ള​ത്തി​ൽ ആ​ദ്യ​മാ​യി ബി​ജെ​പി​ക്ക് പാ​ർ​ല​മെ​ന്‍റി​ലേ​ക്ക് അ​ക്കൗ​ണ്ട് തു​റ​ക്കാ​നാ​യ​തും തൃ​ശൂ​രി​ൽ​നി​ന്ന്.

അ​ക്കാ​ദ​മി​ക​ളും ക​ലാ​മ​ണ്ഡ​ല​വും ഗ​ജ​വീ​ര​ൻ​മാ​രു​ടെ പു​ന്ന​ത്തൂ​ർ കോ​ട്ട​യും വ​ട​ക്കും​നാ​ഥ​നും ഏ​ഷ്യ​യി​ലെ ഏ​റ്റ​വും ഉ​യ​രം​കൂ​ടി​യ പ​ള്ളി ഗോ​പു​ര​മാ​യ പു​ത്ത​ൻ​പ​ള്ളി ബൈ​ബി​ൾ ട​വ​റും, ഇ​ന്ത്യ​യി​ലെ ആ​ദ്യ മു​സ്ലിം ദേ​വാ​ല​യ​മാ​യ ചേ​ര​മാ​ൻ ജു​മാ​മ​സ്ജി​ദും പു​ത്തൂ​ർ സു​വോ​ള​ജി​ക്ക​ൽ പാ​ർ​ക്കും അ​തി​ര​പ്പി​ള്ളി വെ​ള്ള​ച്ചാ​ട്ട​വും പോ​ലീ​സ് അ​ക്കാ​ദ​മി​യും മു​ത​ൽ പ​റ​ഞ്ഞു തീ​രി​ല്ല തൃ​ശൂ​രി​ന്‍റെ വി​ശേ​ഷ​ങ്ങ​ൾ.

ഒ​രു മ​ഹാ​ക്ഷേ​ത്ര​ത്തി​നു​ചു​റ്റും ഭം​ഗി​യാ​യി ആ​സൂ​ത്ര​ണം ചെ​യ്ത മ​റ്റൊ​രു ന​ഗ​ര​വു​മു​ണ്ടാ​കി​ല്ല കേ​ര​ള​ത്തി​ൽ. ആ​ഘോ​ഷ​ങ്ങ​ളും സ​മ​ര​ങ്ങ​ളും ജാ​ഥ​ക​ളും ഈ ​വ​ട്ട​ത്തി​നു​ള്ളി​ൽ നി​റ​യും. ദേ​ശീ​യ അ​ന്ത​ർ​ദേ​ശീ​യ രം​ഗ​ങ്ങ​ളി​ൽ പ്ര​ഗ​ത്ഭ​രാ​യ പ​ല​രെ​യും വാ​ർ​ത്തെ​ടു​ത്ത ച​രി​ത്രം പേ​റു​ന്ന ത​ല​യെ​ടു​പ്പു​ള്ള ക​ലാ​ല​യ​ങ്ങ​ൾ തൃ​ശൂ​രി​ലു​ണ്ട്. കേ​ര​ള​ത്തി​ലെ മി​ക​ച്ച വി​ദ്യാ​ഭ്യാ​സ ഹ​ബ് എ​ന്ന വി​ശേ​ഷ​ണ​വും തൃ​ശൂ​രി​നു സ്വ​ന്തം.

ടെ​ക്സ്റ്റൈ​ൽ മി​ൽ സം​രം​ഭ​ങ്ങ​ൾ​ക്കു തി​ള​ക്കം കു​റ​ഞ്ഞെ​ങ്കി​ലും ക​ണ്ണ​ഞ്ചി​പ്പി​ക്കു​ന്ന സ്വ​ർ​ണ​ക്ക​ച്ച​വ​ട​വും കൈ​ത്ത​റി​യു​ടെ പു​ണ്യം​പേ​റു​ന്ന കു​ത്താ​ന്പു​ള്ളി​യു​മെ​ല്ലാം അ​ഭി​മാ​ന​മാ​ണ്. പേ​രൂ​ർ അ​ഥ​വാ പെ​രി​യ​ഊ​ർ (വ​ലി​യ നാ​ട്) എ​ന്ന​തി​നോ​ട് തി​രു​ശി​വ എ​ന്ന വി​ശേ​ഷ​ണം ചേ​ർ​ന്ന​താ​ണ് യ​ഥാ​ർ​ഥ​ത്തി​ൽ തൃ​ശി​വ​പേ​രൂ​ർ ആ​യ​തെ​ന്ന് ച​രി​ത്ര​കാ​ര​നാ​യ വി.​വി.​കെ. വാ​ല​ത്ത് ത​ന്‍റെ പ്ര​സി​ദ്ധ​മാ​യ കേ​ര​ള​ത്തി​ലെ സ്ഥ​ല​ച​രി​ത്ര​ങ്ങ​ൾ എ​ന്ന ഗ്ര​ന്ഥ​ത്തി​ൽ പ​റ​യു​ന്നു.

തേ​ക്കി​ൻ​കാ​ട് മൈ​താ​ന​ത്തി​ൽ തെ​ക്കേ​ഗോ​പു​ര​ന​ട​യ്ക്ക് താ​ഴെ​യി​രു​ന്ന് പു​ണ്യാ​ള​ൻ അ​ഗ​ർ​ബ​ത്തീ​സി​ൽ ജ​യ​സൂ​ര്യ​യു​ടെ ജോ​യ് താ​ക്കോ​ൽ​ക്കാ​ര​ൻ പ​റ​യു​ന്നു​ണ്ട്: ഇ​വി​ടെ ഇ​രി​ക്കു​ന്പോ​ത​ന്നെ ഫു​ൾ പോ​സി​റ്റീ​വ് ആ​ണ്. ഈ ​പ​റ​ന്പി​നെ ചു​റ്റി ഒ​രു സി​റ്റി. പൂ​രം ക​ഴി​ഞ്ഞാ​ൽ ടൗ​ണ്‍ മു​ഴു​വ​ൻ പൂ​ര​പ്പ​റ​ന്പ്. ലോ​ക​ത്തെ​വി​ടെ​യു​ണ്ട് ഇ​ങ്ങ​നെ ഒ​രു സെ​റ്റ​പ്പ്...

അ​തെ അ​താ​ണ് ന​മ്മു​ടെ തൃ​ശൂ​ർ. പൂ​ര​ങ്ങ​ളു​ടെ പൂ​ര​മു​ള്ള, ഓ​ണ​ത്തി​ന് പു​ലി​യി​റ​ങ്ങു​ന്ന, കാ​ന്ത​നും കാ​ന്ത​യും പൂ​രം കാ​ണാ​ൻ എ​ത്തു​ന്ന, ആ​ന​ക്ക​ന്പ​വും വെ​ടി​ക്കെ​ട്ടു​പ്രാ​ന്തും ത​ല​യ്ക്കു പി​ടി​ച്ച, മേ​ള​വും പ​ഞ്ച​വാ​ദ്യ​വും ഇ​ര​ട്ട​ച്ച​ങ്കാ​യി കൊ​ണ്ടു​ന​ട​ക്കു​ന്ന ആ​ളു​ക​ളു​ടെ നാ​ട്. നാ​ടി​ന്‍റെ ന​ടു​വി​ൽ പ​ച്ച​ക്കു​ട നി​വ​ർ​ത്തി തേ​ക്കി​ൻ​കാ​ട് എ​ല്ലാ​റ്റി​നും സാ​ക്ഷി.

Copyright @ 2022 , Rashtra Deepika Ltd.