സ്പാ​യി​ലെ ജീ​വ​ന​ക്കാ​രി​യെ ആ​ക്ര​മി​ച്ച് മോ​ഷ​ണം : നാ​യ്ക്ക​ളു​ടെ കാ​വ​ലി​ല്‍ സൂ​ക്ഷി​ച്ചി​രു​ന്ന സ്വ​ര്‍​ണം വീ​ണ്ടെ​ടു​ത്തു
Sunday, June 30, 2024 4:22 AM IST
കൊ​ച്ചി: എ​റ​ണാ​കു​ളം പു​ല്ലേ​പ്പ​ടി​യി​ലെ സ്പാ ​ജീ​വ​ന​ക്കാ​രി​യെ ക​ത്തി​മു​ന​യി​ല്‍ നി​ർത്തി സ്വ​ര്‍​ണാ​ഭ​ര​ണ​ങ്ങ​ള​ട​ക്കം ക​വ​ര്‍​ച്ച ചെ​യ്ത കേ​സി​ലെ തൊ​ണ്ടി​മു​ത​ല്‍ പോ​ലീ​സ് വീ​ണ്ടെ​ടു​ത്തു. കേ​സി​ലെ പ്ര​തി​ക​ളി​ലൊ​രാ​ളാ​യ ആ​കാ​ശ് തൃ​ശൂ​ര്‍ പ​ട്ടി​ക്കാ​ട് ചു​വ​ന്ന​മ​ണ്ണ് ഭാ​ഗ​ത്ത് ന​ട​ത്തു​ന്ന നാ​യ്ക്ക​ളു​ടെ ഫാ​മി​നു​ള​ളി​ല്‍ നി​ന്നാ​ണ് മോ​ഷ​ണം പോ​യ സ്വ​ര്‍​ണാ​ഭ​ര​ണ​ങ്ങ​ള്‍ ക​ണ്ടെ​ടു​ത്ത​ത്.

പ്ര​തി​ക​ളി​ല്‍ നി​ന്നും ല​ഭി​ച്ച വി​വ​ര​ത്തി​ന്‍റെ അ​ടി​സ്ഥാ​ന​ത്തി​ല്‍ എ​റ​ണാ​കു​ളം നോ​ര്‍​ത്ത് പോ​ലീ​സ് ഇ​വി​ടെ എ​ത്തി​യ​പ്പോ​ള്‍ 25ഓ​ളം നാ​യ്ക്ക​ളെ ഫാ​മി​നു​ള്ളി​ല്‍ തു​റ​ന്നു​വി​ട്ട നി​ല​യി​ലാ​യി​രു​ന്നു. ഒ​ടു​വി​ല്‍ പ്ര​തി​യു​ടെ സ​ഹോ​ദ​രി​യെ സ്ഥ​ല​ത്തെ​ത്തി​ച്ച് ഇ​വ​യെ മാ​റ്റി​യ ശേ​ഷ​മാ​ണ് പോ​ലീ​സി​ന് ഇ​വി​ടേ​ക്ക് പ്ര​വേ​ശി​ക്കാ​നാ​യ​ത്.

ആ​കാ​ശ് അ​റ​സ്റ്റി​ലാ​യ​തി​ന് ശേ​ഷം നാ​യ്ക്ക​ള്‍​ക്ക് വെ​ള്ളം​പോ​ലും ന​ല്‍​കി​യി​രു​ന്നി​ല്ല. അ​ക്ര​മ​കാ​രി​ക​ളാ​യ ഇ​വ സ​മീ​പ​വാ​സി​ക​ള്‍​ക്കും ഭീ​ഷ​ണി​യാ​യി​രു​ന്നു. വെ​ള്ളി​യാ​ഴ്ച​യാ​യി​രു​ന്നു തെ​ളി​വെ​ടു​പ്പ്. പ്ര​തി​ക​ള്‍ ഉ​പ​യോ​ഗി​ച്ചി​രു​ന്ന ഗൂ​ര്‍​ഖാ ക​ത്തി​യും വ​ടി​വാ​ളും ഇ​രു​മ്പ് വ​ടി​ക​ളും പോ​ലീ​സ് ക​ണ്ടെ​ടു​ത്തു. സ്പാ​യ്ക്ക് സ​മീ​പ​ത്ത് വാ​ട്ട​ര്‍ അ​ഥോ​റി​റ്റി കൂ​ട്ടി​യി​ട്ടി​രു​ന്ന കു​ടി​വെ​ള്ളെ പൈ​പ്പി​നു​ള്ളി​ലാ​ണ് ഇ​വ ഒ​ളി​പ്പി​ച്ച​ത്.

ഇ​വ​ര്‍ ഉ​പ​യോ​ഗി​ച്ച കാ​ര്‍ കോ​യ​മ്പ​ത്തൂ​രി​ലേ​ക്ക് മാ​റ്റി​യെ​ന്നാ​യി​രു​ന്നു ആ​ദ്യ​മൊ​ഴി. കാ​ര്‍ പി​ന്നീ​ട് അ​ന്തി​ക്കാ​ട് അ​മ്പ​ല​ക്കാ​ട് ഭാ​ഗ​ത്ത് ഉ​പേ​ക്ഷി​ച്ച നി​ല​യി​ല്‍ ക​ണ്ടെ​ത്തി.ക​ഴി​ഞ്ഞ 14ന് ​പു​ല​ര്‍​ച്ചെ ര​ണ്ടി​നാ​യി​രു​ന്നു കേ​സി​നാ​സ്പ​ദ​മാ​യ സം​ഭ​വം. പു​ല്ലേ​പ്പ​ടി​യി​ലു​ള്ള സ്പാ​യി​ലെ ഉ​ദ​യം​പേ​രൂ​ര്‍ സ്വ​ദേ​ശി​നി​യാ​യ ജീ​വ​ന​ക്കാ​രി​യാ​ണ് അ​ക്ര​മ​ത്തി​ന് ഇ​ര​യാ​യ​ത്.

സൈ​ബ​ര്‍ വി​ദ​ഗ്ധ​നാ​യ യു​വ​തി​യു​ടെ അ​ടു​ത്ത​സു​ഹൃ​ത്താ​യ ക​റു​ക​പ്പ​ള്ളി സ്വ​ദേ​ശി​യോ​ട് പ്ര​തി​ക​ള്‍ ഒ​രു പ്ര​വാ​സി​യു​ടെ വി​വ​ര​ങ്ങ​ള്‍ ഹാ​ക്ക് ചെ​യ്തു ന​ല്‍​കാ​മോ​യെ​ന്ന് ആ​വ​ശ്യ​പ്പെ​ട്ടി​രു​ന്നു. വി​സ​മ്മ​തി​ച്ച​തി​ലെ വി​രോ​ധ​മാ​ണ് ആ​ക്ര​മ​ണ​ത്തി​ലേ​ക്ക് ന​യി​ച്ച​ത്.

സം​ഭ​വ​ത്തി​ല്‍ തൃ​ശൂ​ര്‍ അ​യ്യ​ന്തോ​ള്‍ സ്വ​ദേ​ശി ടി.​വി. ആ​കാ​ശ്(30), പെ​രി​ങ്ങോ​ട്ടു​ക​ര സ്വ​ദേ​ശി എ.​വി. രാ​ഗേ​ഷ്(39), പാ​ടൂ​ര്‍ സ്വ​ദേ​ശി സി​യാ​ദ്(27), പാ​ല​ക്ക​ല്‍ പാ​ലി​ശേ​രി സ്വ​ദേ​ശി പി.​വി. നി​ഖി​ല്‍ എ​ന്നി​വ​രെ അ​റ​സ്റ്റ് ചെ​യ്തി​രു​ന്നു.

Copyright @ 2022 , Rashtra Deepika Ltd.