അ​ത്ര​മേ​ല്‍ മ​ലി​നം പെ​രി​യാ​ര്‍! പ​ക്ഷേ; കേ​സി​ല്ല, പി​ഴ​യു​മി​ല്ല
Sunday, June 30, 2024 4:22 AM IST
സി​ജോ പൈ​നാ​ട​ത്ത്

കൊ​ച്ചി: ജ​ല​മ​ലി​നീ​ക​ര​ണ​വും മ​ത്സ്യ​ക്കു​രു​തി​യും തു​ട​ര്‍​ക്ക​ഥ​യാ​യ പെ​രി​യാ​റി​ല്‍, മാ​ലി​ന്യ​മൊ​ഴു​ക്കു​ന്ന​വ​രു​ടെ പേ​രി​ല്‍ മ​ലി​നീ​ക​ര​ണ നി​യ​ന്ത്ര​ണ ബോ​ര്‍​ഡ് (പി​സി​ബി) ക​ഴി​ഞ്ഞ നാ​ലു വ​ര്‍​ഷ​ത്തി​നി​ടെ ഒ​രു രൂ​പ പോ​ലും പി​ഴ​യീ​ടാ​ക്കി​യി​ല്ല. മാ​ലി​ന്യ​മൊ​ഴു​ക്കു​ന്നു​വെ​ന്നു തെ​ളി​ഞ്ഞ ക​മ്പ​നി​ക​ള്‍​ക്കെ​തി​രേ ഒ​രു കേ​സു​പോ​ലും ര​ജി​സ്റ്റ​ര്‍ ചെ​യ്തി​ട്ടി​ല്ല.

പി​സി​ബി​യു​ടെ കൊ​ച്ചി ഓ​ഫീ​സി​നു കീ​ഴി​ല്‍ 7856 വ്യ​വ​സാ​യ സ്ഥാ​പ​ന​ങ്ങ​ള്‍ ര​ജി​സ്റ്റ​ര്‍ ചെ​യ്തി​ട്ടു​ണ്ട്. പു​ഴ മ​ലി​ന​മാ​ക്കി​യ​താ​യു​ള്ള പ​രാ​തി​ക​ള്‍ ഉ​ണ്ടാ​യി​ട്ടു​ണ്ടെ​ന്നും അ​തി​ന്‍റെ അ​ടി​സ്ഥാ​ന​ത്തി​ല്‍ പ​രി​ശോ​ധ​ന​ക​ള്‍ ന​ട​ത്തു​ക​യും ചെ​യ്തി​ട്ടു​ണ്ട്. എ​ന്നാ​ല്‍ 2020 ഏ​പ്രി​ല്‍ ഒ​ന്നു മു​ത​ല്‍ 2024 മേ​യ് വ​രെ ഒ​രു സ്ഥാ​പ​ന​ങ്ങ​ളി​ല്‍ നി​ന്നും നി​യ​മ​ലം​ഘ​ന​ങ്ങ​ള്‍​ക്കു പി​ഴ ഈ​ടാ​ക്കി​യി​ട്ടി​ല്ലെ​ന്നു പി​സി​ബി എ​ന്‍​വ​യോ​ണ്‍​മെ​ന്‍റ​ല്‍ എ​ന്‍​ജി​നീ​യ​ര്‍ വി​വ​രാ​വ​കാ​ശ നി​യ​മ​പ്ര​കാ​രം ന​ല്‍​കി​യ മ​റു​പ​ടി​യി​ല്‍ വ്യ​ക്ത​മാ​ക്കി.

പി​സി​ബി ഉ​ദ്യോ​ഗ​സ്ഥ​ര്‍ ഇ​ക്കാ​ല​യ​ള​വി​ല്‍ ന​ട​ത്തി​യ പ​രി​ശോ​ധ​ന​ക​ളു​ടെ ഫ​യ​ലു​ക​ളി​ല്‍ ഒ​ന്നി​ലും, മ​ലി​നീ​ക​ര​ണ​ത്തി​ന്റെ പേ​രി​ല്‍ ഏ​തെ​ങ്കി​ലും സ്ഥാ​പ​ന​ത്തി​നെ​തി​രെ കേ​സ് ര​ജി​സ്റ്റ​ര്‍ ചെ​യ്തി​ട്ടി​ല്ലെ​ന്നും മ​റു​പ​ടി​യി​ല്‍ പ​റ​യു​ന്നു. പൊ​തു​പ്ര​വ​ര്‍​ത്ത​ക​നാ​യ രാ​ജു വാ​ഴ​ക്കാ​ല​യാ​ണ് വ്യ​വ​സാ​യ​ശാ​ല​ക​ള്‍​ക്കെ​തി​രേ​യു​ള്ള ന​ട​പ​ടി​ക​ളു​ടെ വി​വ​ര​ങ്ങ​ളാ​രാ​ഞ്ഞ് പി​സി​ബി​യെ സ​മീ​പി​ച്ച​ത്.

പെ​രി​യാ​റി​ലെ മ​ത്സ്യ​ക്കു​രു​തി​യ്ക്കും ജ​ല​മ​ലി​നീ​ക​ര​ണ​ത്തി​നും കാ​ര​ണം വ്യ​വ​സാ​യ ശാ​ല​ക​ളി​ല്‍ നി​ന്നു​ള്ള രാ​സ​മാ​ലി​ന്യ​ങ്ങ​ളാ​ണെ​ന്നു കൊ​ച്ചി സ​ര്‍​വ​ക​ലാ​ശാ​ല, കേ​ര​ള സ്റ്റേ​റ്റ് കൗ​ണ്‍​സി​ല്‍ ഫോ​ര്‍ സ​യ​ന്‍​സ് ആ​ന്‍​ഡ് ടെ​ക്‌​നോ​ള​ജി, നാ​ഷ​ണ​ല്‍ ഇ​ന്‍​സ്റ്റി​റ്റ്യൂ​ട്ട് ഓ​ഫ് ഇ​ന്‍റ​ര്‍ ഡി​സി​പ്ലി​ന​റി സ​യ​ന്‍​സ് ആ​ന്‍​ഡ് ടെ​ക്‌​നോ​ള​ജി എ​ന്നീ സ്ഥാ​പ​ന​ങ്ങ​ള്‍ വി​വി​ധ ഘ​ട്ട​ങ്ങ​ളി​ല്‍ ന​ട​ത്തി​യി​ട്ടു​ള്ള പ​ഠ​ന​ങ്ങ​ളി​ല്‍ വ്യ​ക്ത​മാ​യി​രു​ന്നു. 2016 ല്‍ ​ദേ​ശീ​യ ഹ​രി​ത ട്രി​ബ്യൂ​ണ​ല്‍ ന​ട​ത്തി​യ പ​ഠ​ന​ത്തി​ല്‍, പെ​രി​യാ​ര്‍ തീ​ര​ത്തെ വ്യ​വ​സാ​യ മേ​ഖ​ല​യി​ല്‍ കൃ​ത്യ​മാ​യ മ​ലി​നീ​ക​ര​ണ നി​യ​ന്ത്ര​ണ സം​വി​ധാ​ന​മി​ല്ലെ​ന്നും റി​പ്പോ​ര്‍​ട്ട് ന​ല്‍​കി​യി​ട്ടു​ണ്ട്.

അ​ടു​ത്ത​കാ​ല​ത്തു പെ​രി​യാ​റി​ലു​ണ്ടാ​യ ഏ​റ്റ​വും വ​ലി​യ മ​ത്സ്യ​ക്കു​രു​തി ക​ഴി​ഞ്ഞ മേ​യ് 20നാ​യി​രു​ന്നു. ല​ക്ഷ​ക്ക​ണ​ക്കി​നു രൂ​പ​യു​ടെ മ​ത്സ്യ​സ​മ്പ​ത്ത് ഇ​ല്ലാ​താ​വു​ക​യും ജ​ല​സ്രോ​ത​സ് ഗു​രു​ത​ര​മാ​യ രീ​തി​യി​ല്‍ മ​ലി​ന​മാ​യെ​ന്നും തെ​ളി​ഞ്ഞ ശേ​ഷ​വും പി​സി​ബി നി​ഷ്‌​ക്രി​യ​ത്വം തു​ട​രു​ക​യാ​ണെ​ന്ന ആ​രോ​പ​ണം ശ​രി​വ​യ്ക്കു​ന്ന വി​വ​ര​ങ്ങ​ളാ​ണ് പു​റ​ത്തു​വ​രു​ന്ന​ത്.

Copyright @ 2022 , Rashtra Deepika Ltd.