കോട്ടയം: കോ​ട്ട​യം മെ​ഡി​ക്ക​ൽ കോ​ള​ജി​നു കീ​ഴി​ലു​ള്ള ഗ​വ​ൺ​മെ​ന്‍റ് ന​ഴ്സിം​ഗ് കോ​ള​ജ് ഹോ​സ്റ്റ​ലി​ൽ റാ​ഗിം​ഗി​ന്‍റെ പേ​രി​ൽ ന​ട​ന്ന​കൊ​ടും​ക്രൂ​ര​തക​ളു​ടെ ദൃ​ശ്യങ്ങ​ൾ പു​റ​ത്ത്. വ​ണ്‍, ടു, ​ത്രീ, ഫോ​ര്‍...എന്നു വിളി ച്ചുപറഞ്ഞ് ന​ഗ്ന​രാ​ക്കി കൈ​കാ​ലു​ക​ള്‍ ക​ട്ടി​ലി​ല്‍ ബ​ന്ധി​ച്ച​ശേ​ഷം ഇ​ര​യു​ടെ ശ​രീ​ര​ത്തി​ലു​ട​നീ​ളം കോ​മ്പ​സും ഡി​വൈ​ഡ​റും ഉ​പ​യോ​ഗി​ച്ച് കു​ത്തി​ക്കി​ഴി​ക്കു​ന്ന ദൃ​ശ്യ​ങ്ങ​ളാ​ണ് ഇ​ന്ന​ലെ പു​റ​ത്തു​വ​ന്ന​ത്.

ര​ക്തം വാ​ര്‍​ന്നൊ​ഴു​കി മ​ര​ണ​വേ​ദ​ന​യി​ല്‍ ജൂ​ണി​യ​ര്‍ വി​ദ്യാ​ര്‍​ഥി പി​ട​യു​മ്പോ​ള്‍ മു​റി​വി​ലേ​ക്ക് ലോ​ഷ​ന്‍ ഒ​ഴി​ക്കും. കൂ​ടെ ക്രീം ​തേ​യ്ക്കും. നി​ല​വി​ളി​ച്ചാ​ല്‍ ക്രൂ​ര​മാ​യി മ​ർദി​ക്കും. തേ​ങ്ങി​ക്ക​ര​യു​മ്പോ​ള്‍ ""നീ​യെ​ന്താ നാ​യ​യെ​പ്പോ​ലെ മോ​ങ്ങു​ന്ന​തെ​ന്നു'' പ​റ​ഞ്ഞ് അ​ധി​ക്ഷേ​പി​ക്കും. ഇ​തെ​ല്ലാം വീ​ഡി​യോ​യി​ല്‍ റി​ക്കാ​ര്‍​ഡ് ചെ​യ്ത് പി​ന്നീ​ട് ക​ണ്ടു ര​സി​ക്കും. അ​ടു​പ്പ​ക്കാ​ര്‍​ക്ക് ഷെ​യ​ര്‍ ചെ​യ്യും.

പീ​ഡ​ന​ത്തി​നി​ര​യാ​യ വി​ദ്യാ​ര്‍ഥി​ക​ളെ പ്ര​തി​ക​ള്‍ ഒ​രി​ക്ക​ല്‍ ബ​ല​മാ​യി മ​ദ്യ​വും കു​ടി​പ്പി​ച്ചു. മൊ​ബൈ​ലി​ല്‍ ചി​ത്രീ​ക​രിച്ച മ​ദ്യ​പാ​ന​രം​ഗ​ങ്ങ​ള്‍ അ​ധി​കൃ​ത​രെ കാ​ട്ടു​മെ​ന്ന് ഭീ​ഷ​ണി​പ്പെ​ടു​ത്തി​യാ​ണ് മൂ​ന്നു മാ​സം മു​മ്പ് പ​ണ​പ്പിരി​വും പീ​ഡ​ന​വും തു​ട​ങ്ങിയത്.


പ​ല​പ്പോ​ഴും അ​ര്‍ധ​രാ​ത്രി പ്ര​തി​ക​ളു​ടെ മു​റി​യി​ലേ​ക്ക് വി​ളി​ച്ചു​വ​രു​ത്തി​യാ​യി​രു​ന്നു പീ​ഡ​നം. നി​ല​വി​ളി പു​റ​ത്തേ​ക്ക് കേ​ള്‍ക്കാ​തി​രി​ക്കാ​ന്‍ മു​റി​യി​ല്‍ ഉ​ച്ച​ത്തി​ല്‍ പാ​ട്ട് വ​യ്ക്കും. എ​ല്ലാ ആ​ഴ്ച​ക​ളി​ലും ജൂ​ണിയ​ര്‍ വി​ദ്യാ​ര്‍ഥി​ക​ള്‍ സീ​നി​യ​ര്‍ ഗു​ണ്ട​ക​ള്‍ക്ക് 800 രൂ​പ​വീ​തം മ​ദ്യ​പാ​ന​ത്തി​നു ന​ല്‍ക​ണ​മാ​യി​രു​ന്നു. ഇ​തു ന​ല്‍കാ​ത്തവരെ രാ​ത്രി ക്രൂ​ര​മാ​യി ആ​ക്ര​മി​ക്കും.

പ്ര​തി​ക​ള്‍ ഒ​ന്നാം വ​ര്‍ഷ വി​ദ്യാ​ര്‍ഥി​ക​ളി​ല്‍നി​ന്നു ഗൂ​ഗി​ള്‍ പേ ​വ​ഴി പ​തി​വാ​യി പ​ണം വാ​ങ്ങി​യ​തി​ന്‍റെ തെ​ളി​വു​ക​ള്‍ പോ​ലീ​സി​ന് കി​ട്ടി​യി​ട്ടു​ണ്ട്. തി​ങ്ക​ളാ​ഴ്ച പ്ര​തി​ക​ള്‍ ര​ണ്ടാ​യി​രം രൂ​പ ആ​വ​ശ്യ​പ്പെ​ട്ടെ​ങ്കി​ലും ന​ല്‍കാ​തെ വ​ന്ന​തി​നെ​ത്തു​ട​ര്‍ന്നു ക്രൂ​ര​മ​ര്‍ദ​ന​ത്തി​നി​ര​യാ​ക്കി. ഇ​തോ​ടെ​യാ​ണ് പീഡനം നേരിട്ട വി​ദ്യാ​ര്‍ഥി വീ​ട്ടി​ല്‍ അ​റി​യി​ച്ച​തും പ​രാ​തി​യി​ലേ​ക്കെ​ത്തി​യ​തും.