പ്ലസ് വൺ പ്രവേശനോത്സവം : Deepika.com Nattu Visesham

THRISSUR

പ്ലസ് വൺ പ്രവേശനോത്സവം

Tuesday, June 25, 2024 1:27 AM IST

മാർത്തോമ ഗേൾസ് സ്കൂളിൽ

തൃശൂർ: മാർത്തോമ ഗേൾസ് ഹയർ സെക്കൻഡറി സ്കൂളിലെ പ്ലസ് വൺ ക്ലാസുകളുടെ ഉദ്ഘാടനം ഡെപ്യൂട്ടി കളക്ടർ അതുൽ എസ്. നാഥ് നിർവഹിച്ചു. മാനേജ്മെന്‍റ് പ്രതിനിധി ഡോ. ജോൺ എബ്രഹാം അധ്യക്ഷത വഹിച്ചു. പ്രിൻസിപ്പൽ റിൻസ് പി.സെബാസ്റ്റ്യൻ, കൗൺസിലർ സിന്ധു ആന്‍റോ ചാക്കോള, പിടിഎ പ്രസിഡന്‍റ് സി.വി. ഷംസുദീൻ, അധ്യാപകരായ ജി. ദിവ്യ, റോസ്മി ലാസർ, മീര സുധാകരൻ എന്നിവർ പ്രസംഗിച്ചു. അധ്യാപകരായ ഡോ. ഒ.എസ്. രാജി, ടി.എൻ. രേണുക എന്നിവർ നേതൃത്വം നൽകി.

കണ്ടശാംകടവ്
പിജെഎംഎസ്

കണ്ടശാംകടവ്: പിജെഎംഎസ് ഹയർ സെക്കൻഡറി സ്കൂളിലെ പ്ലസ് വൺ പ്രവേശനോത്സവം വർണാഭമായി. പ്രിൻസിപ്പൽ എ. അബീത ഉദ്ഘാടനം ചെയ് തു. പിടിഎ പ്രസിഡന്‍റ്് സി.എ. മുരളി അധ്യക്ഷനായി. എസ്‌ എംസി ചെയർമാൻ നെൽസൺ വി. മാത്യു, പിടിഎ വൈസ് പ്രസി ഡന്‍റ്് എം.ആർ. രമേശ്, പ്രധാനാ ധ്യാപിക ബീന കെ. മേനോൻ, ആർ. രാജശ്രീ എന്നിവർ പ്രസംഗിച്ചു.

ജിലേബിയും പൂക്കളും നൽകിയാണ് നവാഗതരെ സീനിയർ വിദ്യാർഥികൾ സ്വീകരിച്ചത്. ലഹരിവിരുദ്ധ സന്ദേശം ഉൾക്കൊള്ളുന്ന കാർഡുകളും ആശംസ കാർഡുകളും പുതിയ കൂട്ടുകാർക്ക് സീനിയർ വിദ്യാർഥികൾ വിതരണം ചെയ്തത് പുതുമയായി. എൻഎസ്എസ് ക്ലസ്റ്റർ കോ-ഒാർഡിനേറ്റർ ആർ. ശാലിനി, സൗഹൃദ ക്ലബ് കോ-ഒാർഡിനേറ്റർ ശോഭാ പത്മനാഭൻ, കെ.ആർ. ജ്യോതി, സ്കൂൾ ലീഡർ അൽന ദീപക് എന്നിവർ നേതൃത്വം നൽകി.

പഴുവിൽ
സെന്‍റ്് ആന്‍റണീസ്

പഴുവിൽ: സെന്‍റ്് ആന്‍റണീസ് ഹയർ സെക്കൻഡറി സ്കൂളിൽ പ്ലസ് വൺ പ്രവേശനോത്സവവും മെറിറ്റ് ഡേയും ചാഴൂർ ഗ്രാമപഞ്ചായത്ത് പ്രസിഡന്‍റ് ് കെ.എസ്. മോഹൻദാസ് ഉദ്ഘാടനം ചെയ്തു. സ്കൂൾ മാനേജർ റവ.ഡോ. വിൻസെന്‍റ്് ചെറുവത്തൂർ അധ്യക്ഷത വഹിച്ചു. തൃശൂർ റൂറൽ ജില്ലാ പോലീസ് മേധാവി നവനീത് ശർമ മുഖ്യപ്രഭാഷണം നിർവഹിച്ചു. പ്രിൻസിപ്പൽ ഡോ. കെ.എ.ജോർജ്, പിടിഎ പ്രസിഡന്‍റ് റാഫി കൊമ്പൻ എന്നിവർ നേതൃത്വം നൽകി.