ഋ​തു പ​രി​സ്ഥി​തി ച​ല​ച്ചി​ത്ര​മേ​ള​യ്ക്കും കാ​ര്‍​ണി​വ​ലി​നും തു​ട​ക്കം
Friday, June 28, 2024 8:07 AM IST
ഇ​രി​ങ്ങാ​ല​ക്കു​ട: ഗ്രാ​മീ​ണ​ത്ത​നി​മ​യു​ടെ ഗൃ​ഹാ​തു​ര​മാ​യ ചാ​രു​ത​ക​ള്‍ ഉ​ള്‍​ക്കൊ​ണ്ട് ഇ​രി​ങ്ങാ​ല​ക്കു​ട സെ​ന്‍റ്് ജോ​സ​ഫ്‌​സ് കോ​ള​ജി​ല്‍ ഋ​തു പ​രി​സ്ഥി​തി ച​ല​ച്ചി​ത്ര​മേ​ള​യ്ക്കും കാ​ര്‍​ണി​വ​ലി​നും തു​ട​ക്കം കു​റി​ച്ചു. അ​ധ്യാ​പ​ക അ​ന​ധ്യാ​പ​ക​ര്‍​ക്കാ​യി കോ​ള​ജി​ലെ സാ​മ്പ​ത്തി​ക ശാ​സ്ത്ര വി​ഭാ​ഗം സം​ഘ​ടി​പ്പി​ച്ച ഓ​ല​മെ​ട​യ​ല്‍ മ​ത്സ​ര​ത്തി​ല്‍ പ്രി​ന്‍​സി​പ്പ​ല്‍ സി​സ്റ്റ​ര്‍ ഡോ. ​ബ്ലെ​സി അ​ട​ക്കം ഇ​രു​പ​തോ​ളം മ​ത്സ​രാ​ര്‍​ഥി​ക​ള്‍ പ​ങ്കെ​ടു​ത്തു. കെ.​ടി. ദി​വ്യ മ​ത്സ​ര​ത്തി​ല്‍ ഒ​ന്നാം സ്ഥാ​നം ക​ര​സ്ഥ​മാ​ക്കി.

ദേ​വ​യാ​നി, ബേ​ബി എ​ന്നി​വ​ര്‍ ര​ണ്ടും മൂ​ന്നും സ്ഥാ​നം നേ​ടി. ഓ​ല​മെ​ട​യു​ന്ന​തി​ല്‍ വി​ദ​ഗ്ധ​യാ​യ ക​ല്യാ​ണി​യ​മ്മ എ​ന്ന മു​ത്ത​ശ്ശി വി​ധി​ക​ര്‍​ത്താ​വാ​യി എ​ത്തി എ​ന്ന​തും ഈ ​മ​ത്സ​ര​ത്തി​ന്‍റെ പ്ര​ത്യേ​ക​ത​യാ​യി​രു​ന്നു. സു​സ്ഥി​ര​വി​ക​സ​ന പ്ര​ക്രി​യ​യി​ല്‍ ഇ​ത്ത​രം പ്ര​കൃ​തി വി​ഭ​വ​ങ്ങ​ളു​ടെ സാ​ധ്യ​ത വ​ള​രെ വ​ലു​താ​ണെ​ന്ന് വ​കു​പ്പ് മേ​ധാ​വി ജോ​മോ​ള്‍ തോ​മ​സ് പറഞ്ഞു.

തു​ട​ര്‍​ന്ന് ച​ല​ച്ചി​ത്ര മേ​ള​യു​ടെ​യും കാ​ര്‍​ണി​വ​ലി​ന്‍റെയും പ്ര​ചാ​ര​ണാ​ര്‍​ഥം കോ​ള​ജി​ലെ ബി​ബി​എ വി​ദ്യാ​ര്‍​ഥി​നി​ക​ള്‍ ഇ​രി​ങ്ങാ​ല​ക്കു​ട ബ​സ് സ്റ്റാ​ന്‍​ഡി​ല്‍ ന​ട​ത്തി​യ ഫ്ലാ​ഷ് മോ​ബും ഒ​പ്പു​ശേ​ഖ​ര​ണ​വും ശ്ര​ദ്ധേ​യ​മാ​യി​.

Copyright @ 2022 , Rashtra Deepika Ltd.